सांसदहरुको अन्तर्राष्ट्रिय संजालको वोर्ड सदस्यमा नेपालका सांसद थापा निर्वाचित

आगमनखबर संवाददाता

काठमाडौँ । कांग्रेस सांसद गगनकुमार थापा अन्तर्राष्ट्रिय संजालको वोर्ड सदस्यमा निर्वाचित भएका छन् ।

विश्व बैंक र अन्तर्राष्ट्रिय मुद्रकोष सम्बन्धी अन्तर्राष्ट्रिय सञ्जालको वोर्ड सदस्यमा उनी सन् २०२१ देखि २०२३ का लागि विभिन्न देशका सांसदहरुको अन्तर्राष्ट्रिय संजालको वोर्ड सदस्यमा नेपालको तर्फबाट थापा निर्वाचित भएका हुन् ।

थापाले सामाजिक सन्जाल मार्फत आफु वोर्ड सदस्यमा निर्वाचित भएको जानकारी दिदै  विश्वका १४० भन्दा बढी देशका संसदहरूसँगै समावेशी विकासका लागि काम गर्ने मौका  पाएको र आफूले सिक्ने, सम्वन्ध विस्तार गर्ने र सक्दो योगदान गर्ने मौकाको रुपमा उपयोग गर्ने उल्लेख गरेका छन । 

उनले सांसदहरुको अन्तर्राष्ट्रिय संजालको अग्रपंक्तिका लागि निर्वाचित भएको खबरले आफूलाई उत्साही बनाएको उल्लेख गर्नु भएको छ । 

नेपाली काँग्रेसबाट उम्मेदवार भइ काठमाडौको क्षेत्र नं. ४ बाट उनी प्रतिनिधि सभा सदस्यमा निर्वाचित भएका हुन् ।

• Categories
• #अन्तराष्ट्रिय
• #देश–विदेश
• #मुख्य समाचार
• #राजनीति