दिक्तेल बहुमुखी क्याम्पसमा नेबिसंघ ईकाइ समिति गठन

आगमनखबर संवाददाता

खोटाङ । नेपाल विद्यार्थी संघले खोटाङमा संगठन बिस्तार गरेको छ।

खोटाङ जिल्लाकै एतिहासिक दिक्तेल बहुमुखी क्याम्पसमा खोटाङ जिल्ला नेबिसंघको अध्यक्ष मोती चन्द्र राई नेबिसंघका नेता प्रतिक आचार्य लगायतका नेताहरुद्वारा नेबिसंघ क्याम्पस ईकाइ समिति गठन गरेका हुन ।

दिक्तेल बहुमुखी क्याम्पस खोटाङका अध्यक्ष सोनामहाङ राईको अध्यक्षतामा नेपाल विद्यार्थी संघ क्याम्पस इकाई समिति गठन भएको छ ।

नयाँ गठन पदाधिकारीहरु उपाध्यक्षमा द्वय स्मृति राई र योगेश पुरी साथै सचिवमा बिपिन पोखरेल , मनिशा राई र सह-सचीवमा मनिशा दाहाल र कोषाध्यक्षमा बिबेक चन्द सहित पच्चीस सदस्यीय समिति गठन भएको छ ।

जिल्ला भरिका सम्पुर्ण क्याम्पसहरुमा पुनः संगठन बिस्तार गर्दै जाने र नेबिसंघ मार्फत खोटाङमा विद्यार्थीलाई पर्न गएको समस्या साथै शिक्षामा सुधारको निमित्त हर बखत खबरदारी गर्ने र राम्रो उचित मागको लागि नेबिसंघले सहयोग गर्ने अध्यक्ष मोति चन्द्र राईले बताए ।

• Categories
• #राजनीति