गैर आवासीय नेपाली संघ आइसीसी महासचिवमा पुन उम्मेदवारी दिने जोशीको घोषणा

आगमनखबर संवाददाता

मलेसिया । गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को आगामी महिना अक्टोबरमा हुने ११ औं महाधिवेशनमा गौरीराज जोशीले पुन एनआरएनए आइसीसीको महासचिव पदमा उम्मेदवारी दिने घोषणा गरेका छन् ।

जोशीले एनआरएनएका अग्रज अभियन्ताहरुको चाहना सुझावबमोजिम आफुले पुन एनआरएनए आइसीसीको महासचिव पदमा उम्मेदवारी दिने निर्णय गरेको बताएका छन् ।

सन् १९९७ मा अध्ययनका लागि अमेरिका गएका जोशी अध्यन संगै सामाजिक काममा लाग्दै सन् २००५ देखि गैर आवासीय नेपालीको अभियानमा जोडिएका जोशीले अमेरिकामै आईटी अध्ययन पूरा गरिसकेका उनी अमेरिकामा आईटी क्षेत्रमा सफल व्यवसायी रुपमा चिनीन्छ ।

लामो समयदेखि एनआरएनए अभियानमा सक्रिय भएर लागेका जोशीले आफू पद ओगट्न मात्र नभई विश्वभरिका गैर आवासीय नेपाली हरुलाई एक ठाउमा जोड्न र एनआरएनएलाई प्रविधिमैत्री बनाएर काम गरेर देखाउन एनआरएनए आइसीसमाको महासचिव पदमा दोहोरिन चााएको बताए ।

मेम्बरसीप कोअर्डिनेटर हुदै एनआरएनए अमेरिका क्षेत्रीय संयोजक भएर काम गरेको अनुभव भएको। जोशी २०१९–२०२१ कार्यकालमा सचिव पदमा अत्यधिक मतसहित विजयी भएका थिए।

जोशी नेपाली समाज टेक्ससको पूर्व अध्यक्ष र एनआरएनए एनसीसी अमेरिकाको आजीवन सदस्य हुन्।

उनको रियल स्टेट र नेपालमा इन्सुरेन्स, बैंकिङ क्षेत्र, प्रविधि, हाइड्रोलगायत विभिन्न क्षेत्रमा समेत लगानी छ। जोशीले भारतमा पनि आईटी व्यवसाय विस्तार गरेका छन् ।