एनआरएनए मलेसियाले मे १ तारिख अन्तर्राष्ट्रिय श्रम दिवस मनाउने

आगमनखबर संवाददाता

मलेसिया । गैंर आवासीय नेपाली संघ राष्ट्रिय परिषद (एनआरएनए) मलेसियाले १३५ औं अन्तर्राष्ट्रिय श्रम दिवस मनाउने भएको छ ।

एनआरएनए मलेसियाले यहीँ मिति २०२४ मे १ तारिख बुधबार दिउसो १ बजे देखि मलेसिया स्थित क्वालालम्पुरमा रहेको एनआरएनए मलेसियाको आफ्नै सभा हलमा श्रम दिवसको अवसरमा शुभकामना आदानप्रदान गरि मनाउन लागेको एनआरएनए मलेसियाका अध्यक्ष विनोद थापाले जानकारी दिनुभएको हो ।

थापाले मे १ तारिख श्रमिक हरुको विशेष दिन भएकोले उक्त कार्यक्रममा मलेसियामा रहेको श्रमिकहरु संग विभिन्न संस्कृतिक मनोरञ्जनात्मक कार्यक्रमका साथ भलोकुसारी गर्ने र कार्यक्रममा सबै उपस्थित सहभागीहरुलाई खानापानीको व्यवस्था गरिने बताए ।

त्यसैगरी उक्त कार्यक्रममा टिकापुर कैलालीका विनोद थापा र, सोलुखुम्बु दुधकुण्डका दावा शेर्पालाई विशेष समान गरिने एनआरएनए मलेसियाका महिला संयोजक इन्दु बस्नेत (क्षेत्री) ले जानकारी गराएकि छिन् ।

थापाले २८ जुलाई २०२३ मा १ मिनेटमा १३६ पटक जम्पिङ ज्याक (खुट्टा फट्याउँदै हात माथि गरेर गरिने शारीरिक अभ्यास) गरेर विश्व रेकर्ड राखेका थिए। भने दावा शेर्पाले गत केही महिना अगाडी आफु कार्यरत सपिङ महलमा डियुट्टीकोको समय एक सुर्केसमा ५ लाख भन्दा बढी मलेसियान रिंगेट भेटेर इमानदारीताको साथ आफ्नो कम्पनीको म्यानेजरलाई बुझाएर आफ्नो र नेपाली श्रमिकहरुको विश्वास इमानदारीता स्वाभिमान देखाएको थियो। र सोही क्रममा उनीहरुको योग्दान र इमानदारीलाई कदर गर्दै श्रमिक दिवसको अवसर परि समान गर्न लागेको संयोजक इन्दु बस्नेत (क्षेत्री) ले बताइन ।

त्यस्तै कार्यक्रममा उपस्थिति हुनका लागि सामाजिक संजाल मार्फत मलेसियाका लागि नेपाली राजदूतावास र विभिन्न राजनीतिक, सामाजिक, जातीय गैरजातीय संघसंस्था हरुलाई समेत निमन्त्रणा गरिएको छ ।

• Categories
• #देश–विदेश