नेपाल आदिवासी जनजाति बिद्यार्थी महासंघ खोटाङको दोस्रो अधिवेशन सम्पन्न अध्यक्षमा राई निर्वाचित

आगमनखबर संवाददाता

खोटाङ । नेपाल आदिवासी जनजाति विद्यार्थी महासंघ जिल्ला समन्वय परिषद खोटाङको दोस्रो अधिवेशन सम्पन्न भएको छ ।

आइतबार खोटाङ स्थित दिक्तेलको समिक्षालय हलमा सम्पन्न भएको नेपाल आदिवासी जनजाति विद्यार्थी महासंघ जिल्ला समन्वय परिषद खोटाङ दोस्रो अधिवेशनले सोनामहाङ राई अध्यक्षतामा २० जनाको सदस्य सहित नयाँ कार्यसमिति सर्वसहमत गठन गरेको छ ।

त्यस्तै उक्त अधिवेशनले संघको उपाध्यक्षमा एलिना भुजेल, र सर्मिला माझी सर्वसम्मत चयन भएकी छिन्। भने सचिवमा लक्ष्मि राई, सह- सचिवमा गंगा मगर, र सजिन राई चयन हुनुभएको छ। त्यस्तै समितिको कोषाध्यक्षमा लमि शेर्पा रहेकी छिन् ।

त्यसैगरी सदस्यहरुमा सम्झना राई, जाङ्बु शेर्पा, फुर्वा शेर्पा, आङ्निमा शेर्पा, छिरिङ शेर्पा, तेन्जी शेर्पा, लक्ष्मि शेर्पा, याङ्डी शेर्पा, ङकि शेर्पा, पाल्जुम शेर्पा, बिमला राई, शुशिला राई, न्यान्सी राई र सन्ध्या मगर रहेकी छिन् ।

महासंघका अध्यक्ष फुर्वा शेर्पाको अध्यक्षतामा र नेपाल आदिवासी जनजाति महासङ्घ सङ्घीय परिषद्का उप-महासचिव रामकृष्ण ब्लोन तामाङको प्रमुख अतिथिमा खोटाङको दिक्तेलस्थित समिक्षालय हलमा भएको कार्यक्रममा अतिथिहरु गण्डकी प्रदेशसभा सदस्य पार्वती तामाङ, नेपाल तामाङ घेदुङ बागमती प्रदेश अध्यक्ष बिलाम मोक्तान, जिल्ला समन्वय समिति खोटाङका प्रमुख सनबहादुर राई लगायतको उपस्थिति रहेको थियो ।

• Categories
• #सम -सामयिक