एनआरएनए मलेसियाको सेल्टर हाउस व्यवस्थापनको लागि ५ लाख सहयोग गर्ने उम्मेदवार श्रेष्ठको घोषणा

आगमनखबर संवाददाता

मलेसिया । गैरआवासीय नेपाली संघ आइसीसीका उपाध्यक्ष एवम् एनआरएनएको अध्यक्ष पदको प्रत्याशी उम्मेदवार महेश कुमार श्रेष्ठले एनआरएनए मलेसियालाई सेल्टर हाउस व्यवस्थापनको लागि ५ लाख रुपैयाँ सहयोग गर्ने साथै केन्द्रबाट १० करोड रुपैयाँको सहयोग ल्याउने प्रतिबद्दता गरेका छन् ।

गैरआवासीय नेपाली संघ अन्तर्राष्ट्रिय परिषद (एनआरएनए) का उपाध्यक्ष महेश कुमार श्रेष्ठ र एनआरएनए अमेरिकाका निवर्तमान बरिस्ठ उपाध्यक्ष कृष्ण जेबी पन्त बिच एनआरएनए मलेसियाको सभा हलमा भेटघाट तथा गैर आवासीय नेपाली संघको ११ औं महाधिवेशनको बारेमा छलफलको क्रममा श्रेष्ठले सेल्टर हाउस व्यवस्थापनको लागि ५ लाख रुपैयाँ ब्याक्तिगत सहयोग गर्ने साथै केन्द्रबाट १० करोड रुपैयाँको सहयोग ल्याउने प्रतिबद्दता गरेका हुन् ।

आज गैरआवासीय नेपाली संघ अन्तर्राष्ट्रिय परिषद (एनआरएनए) का उपाध्यक्ष महेश कुमार श्रेष्ठ र एनआरएनए एनसीसी अमेरिकाका निवर्तमान बरिस्ठ उपाध्यक्ष कृष्ण जेबी पन्त बिच एनआरएनए मलेसियाको सभा हलमा भेटघाट तथा गैर आवासीय नेपाली संघको ११ औं महाधिवेशनको बारेमा छलफल भएको थियो ।

श्रेष्ठ गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को आगामी २०२३-२०२५ कार्यकालको लागि अध्यक्ष पदको प्रत्याशी उम्मेदवारी हुन्। भने कृष्ण जेबी पन्त गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को सचिव पदका प्रत्याशी उम्मेदवारी हुन् ।

उनीहरु गैर आवासीय नेपाली संघ अन्तर्राष्ट्रिय समन्वय परिषद (एनआरएनए) को ११ औं महाधिवेशन तथा गैर आवासीय अन्तर्राष्ट्रिय सम्मेलन नजिकिए संगै महेश कुमार श्रेष्ठ र कृष्ण जेबी पन्त एनआरएनएको अभियानमा युरोपियन मुलुक मध्यपूर्व एसिया प्यासिफिक हुदै आज कुवेतदेखि छलफल र भेटघटका लागि मलेसिया आएका थिए ।