भारतीय मिचाहा प्रबृत्ति बिरुद्ध सरकार चुप लागेर बस्नु हुँदैन: नेता गुरुङ

आगमनखबर संवाददाता

काठमाडौं । नेपाली कांग्रेसका केन्द्रिय सदस्य एवम्  युवा नेता धनराज गुरुङले छिमेकी मुलुक भारतको एसएसबीहरु हात–हतियारसहित नेपाल प्रवेश गरेको प्रति गम्भीर आपत्ति जनाएका छन् ।

पटक पटक भारतीय एसएसबीहरु खुल्लम–खुल्ला हात–हतियारसहित नेपाल भुमीमा प्रवेश गरि पश्चिम नवलपरासीको सुस्ता क्षेत्रमा जमिन नापजाँच नै गरेपछि नेता गुरुङले तत्काल कुटनैतिक पहल गरि सो कार्य रोक्न सरकारको ध्यानाकर्षण गराएका छन । 

बुधवार सामाजिक सञ्जाल मार्फत नेता गुरुङले भारतीय दादागीरी कहिलेसम्म सहने हो ? भन्दै नेपाल सरकारलाई प्रश्न गरेका छन । नेपालीको लालपुर्जा भएको जग्गामा नेपालीलाई खेती गर्न नदिने भारतीय मिचाहा प्रबृत्ति बिरुद्ध सरकार चुप लागेर बस्नु हुँदैन  कुटनैतिक पहल मार्फत समस्या सुल्झाउन सरकारलाई आग्रह  समेत  गरेक छन । 

पश्चिम नवलपरासीको सुस्ता गाउँपालिका ५ मा रहेको नारायणी नदी पारीको गाउँ सुस्तामा पटकपटक भारतीय पक्षको अतिक्रमणमा पर्दै आएको क्षेत्र हो भने पछिल्लो पटक आइतबार र सोमबार भारतीय एसएसबीहरु हतियारसहित पुगेर सुस्ता क्षेत्रको नापजाँच नै गरेपछि बाँकी रहेको जमिनसमेत फेरि भारतले खोसेर लग्ने हो की भन्नेमा सुस्तावासी चिन्तीत रहेका बेला नेता गुरुङको यस्तो धारणा सार्वजनिक भएको हो ।

• Categories
• #देश–विदेश
• #राजनीति
• #सम -सामयिक