कांग्रेसबाट निर्वाचित वडाध्यक्ष बमले राज्यबाट प्राप्त रकमले एम्बुलेन्स किन्दै

मोबाईल पत्रकार

कालिकोट जिल्लाको सान्नित्रिवेणी गाउँपालिका–५ का वडाध्यक्ष नरेश बमले राज्यबाट सेवासुविधाबापत पाएको रकम जनतालाई नै फर्काउने घोषणा गरेका छन् ।

नेपाली कांग्रेसबाट निर्वाचित वडाध्यक्ष बमले आफूले पाएको १२ लाख ३५ हजार रुपैयाँमध्ये १८ हजार ५२५ रुपैयाँ करकट्टि भइसकेको र बाँकी १२ लाख १६ हजार ४७५ रुपैयाँ जनतालाई फिर्ता गर्ने घोषणा गरे ।

बमले फेसबूकमा स्टेटस लेखेर सेवासुविधा जनतालाई फिर्ता गर्ने घोषणा गरेपछि अधिकांश प्रतिक्रियामा एम्बुलेन्स किन्न सुझाव दिइएको छ । कालिकोट जिल्लाको ग्रामीण भेगका अधिकांश नागरिकले एम्बुलेन्स सेवा नपाएर अकालमै ज्यान गुमाउनुपरेकाले वडाध्यक्ष बमलाई एम्बुलेन्स किनेर जनताको सेवा गर्न सुझाव दिइएको छ ।

वडाध्यक्ष बमले पनि सबैको सुझावलाई आत्मसाथ गर्दै जनताको लागि एम्बुलेन्स ल्याउने बताए । ‘तपाईंहरूको सुझावलाई मध्यनजर गर्दै एम्बुलेन्स खरिद गर्ने र हस्तान्तरण गर्ने योजना बनाइरहेको छु उनले भने त्यो एम्बुलेन्सले यहाँका नागरिकको ज्यान जोगाउन ठूलो राहत मिल्नेछ ।

• Categories
• #राजनीति
• #सम -सामयिक