एससीसी नेपालले लागू गरोस् भन्ने अमेरिकाको चाहना छ : डोनाल्ड लु

आगमनखबर संवाददाता

काठमाडौँ। अमेरिकी सहायक विदेशमन्त्री डोनाल्ड लुले मिलेनियम च्यालेन्ज कर्पोरेसन (एससीसी) परियोजना नेपालले लिओस् भन्ने अमेरिकी चाहना भएको बताएका छन् । ‘डिसेम्बर १४ मा बोर्डको बैठक बस्दैछ । त्यसमा सबै परियोजनाको अवस्था बारेमा छलफल हुने मैले भनेको हुँ । नेपालका लागि समयसीमा तोकेको होइन’ लुले भने ।

नेपालमा भ्रमणका रहेका सहायक विदेशमन्त्री लुले प्रधानमन्त्री शेरबहादुर देउवा, विपक्षी दलका नेता तथा पूर्वप्रधानमन्त्री केपी शर्मा ओली र नेकपा (माओवादी केन्द्र)का अध्यक्ष तथा पूर्वप्रधानमन्त्री पुष्पकमल दाहालसँग छुट्टाछुट्टै भेटवार्त गरी एमसीसी परियोजना लिने वा नलिने विषय निर्णय नेपाल सरकार र संसद्मा‌ रहेको र परियोजना सञ्चालन गर्दै नेपाली जनता हित हुने अमेरिकी धारणा रहेको जानकारी गराएका थिए ।

सहायक विदेशमन्त्री लुले एमसीसी परियोजना विश्वका कमै मुलुकले मात्रै सञ्चालन अवसर प्राप्त गरेको जानकारी दिँदै नेपालले त्यो नगुमाओस् भन्ने अमेरिकी चाहना रहेको बताए । उनले एमसीसी अमेरिकी सरकार प्रत्यक्ष रुपमा सञ्चालन गर्ने भन्दै पृथक् परियोजना भएकाले यसबारे एमसीसी बोर्डलाई निर्णय गर्ने सबै अधिकार भएको जानकारी दिएका थिए ।

एमसीसी परियोजना सञ्चालनको प्रमुख पाँच सर्तमध्ये संसद्बा‌ट अनुमोदन हुनुपर्ने विषयसमेत रहेको छ । संसद्मा‌ विचाराधीन रहेको सो विषयमा राजनीतिक दल विभाजित छन् । जसकारण लामो समयदेखि अनुमोदन हुन सकेको छैन ।

• Categories
• #देश–विदेश
• #मुख्य समाचार
• #राजनीति