कांग्रेस खाल्लेद्वारा दशैँको शुभकामना आदान प्रदान कार्यक्रम सम्पन्न

आगमनखबर संवाददाता

खोटाङ । नेपाली कांग्रेस खाल्लेले दशैँ तिहारको आगमनमा  शुभकामना आदान प्रदान कार्यक्रम सम्पन्न गरेको छ ।

खोटाङ कांग्रेस यतिखेर दशै तिहार शुभकामना आदान प्रदान कार्यक्रममा ब्यस्त छ । जिल्लाका शिर्षनेताहरु देखि नवनिर्वाचित पदाधिकारी एवं वडा समितिहरु नेपालीहरुको वाँक्लिदो चाँडपर्वको अवसरमा औपचारिक कार्यक्रमको आयोजना गरी शुभकामना आदानप्रदानमा जुटिरहेका हुन् ।

यसै क्रममा खोटाङको दिक्तेल रुपाकोट मझुवागढी नगरपालिका वडा नं ४ खाल्लेको आयोजनामा आज दशै तथा तिहार लक्षित शुभकामना आदानप्रदान तथा  चियापान कार्यक्रम सम्पन्न गरिएको छ । 

नेपाली कांग्रेस खोटाङका उपसभापति तथा वरिष्ठ नेता नवराज केसीको प्रमुख आतिथ्यता एवं दिक्तेल रुपाकोट मझुवागढी नगरपालिकाका नवनिर्वाचित सभापति प्रकाश श्रेष्ठ, नेपाली कांग्रेस खोटाङका जिल्ला सदस्य दिनेश घिमिरेको बिशेष  आतिथ्यतामा कार्यक्रम सम्पन्न भएको थियो । 

वडा सभापति प्रेम श्रेष्ठको सभापतित्वमा भएको सो कार्यक्रममा अन्य अतिथिहरुमा नेपाल बिध्यार्थी संघ खोटाङका सभापति तथा युवा नेता राजकुमार बस्नेत, नेपाल ट्रेड युनियन कांग्रेसका पूर्व अध्यक्ष मणिराम दाहाल, वडा समितिका पूर्व सभापति रामचन्द्र केसी, पूर्व गाविस अध्यक्ष राजकुमार राई लगायत स्थानीय कांग्रेस तथा अन्य दलका नेता, कार्यकर्ताहरुको समेत उपस्थिति रहेको नगर सदस्य चिरिञ्जवी खतिवडाले बताउनुभयो ।

• Categories
• #राजनीति
• #सम -सामयिक