प्रदेशसभा सदस्य बन्धक प्रकरण: अपराधिक कार्यको तत्काल अनुसन्धान गरी संलग्नलाई दण्डित गरियोस्: नेता थापा

आगमनखबर संवाददाता

काठमाडौं । नेपाली कांग्रेस केन्द्रीय सदस्य एव युवानेता गगन कुमार थापाले लुम्बिनी प्रदेशसभा सदस्य विमला कुमारी खत्रीले आफूलाई बन्धक बनाएको, जबरजस्ती हस्ताक्षर गर्न लगाएको, मानसिक यातना दिएको गम्भीर अभियोग लगाइसकेपछि राजनीतिक मुद्दा बन्न नसक्ने हुदा अपराधिक कार्यको तत्काल अनुसन्धान गरी संलग्नलाई दण्डित गर्न माग गरेका छन् ।

नेता थापाले बिहिबार सामाजिक संजाल मार्फत माओवादी केन्द्रमा रहेकी लुम्बिनी प्रदेशसभा सदस्य खत्री साउन १५ गते उपचारका लागि नेपालगन्ज जाने क्रममा लुम्बिनी प्रदेशसभाका एमाले सचेतक भूमिश्वर ढकाल र स्थानीय नेता मानबहादुर राउतले बन्धक बनाएर जबर्जस्ती बुटवल पुर्‍याई जबरजस्ती हस्ताक्षर गर्न लगाएको, मानसिक यातना दिएको अभियोग राजनीतिक मुद्दा मात्रै बन्न सक्दैन अपराधिक कार्यको तत्काल अनुसन्धान गरी संलग्नलाई दण्डित गरियोस् भनेका छन् ।

साउन १५ गते ११ बजे उपचारको लागि नेपालगन्ज जाने क्रममा नेकपा (एमाले) लुम्बिनी प्रदेश सभा संसदीय दलका प्रमुख सचेतक ढकाल र स्थानीय नेता रावतले हामी पनि नेपालगन्ज जाने हो, सँगै जाऔं हामी नै पुर्याइदिन्छौं भनी बन्धक बनाएर जबर्जस्ती मुख्यमन्त्रीको निवास बुटवलमा पुर्याएका थिए।

यस्तो छ नेता थापाले गरेको टुईट: लुम्बिनी प्रदेशसभा सदस्य विमला कुमारी खत्रीले ”आफूलाई बन्धक बनाएको,जबरजस्ती हस्ताक्षर गर्न लगाएको,मानसिक यातना दिएको” लगायतका गम्भीर अभियोग लगाइसकेपछि यो राजनीतिक मुद्दा मात्रै बन्न सक्दैन। @PM_nepal_ ज्यू, यस्तो अपराधिक कार्यको तत्काल अनुसन्धान गरी संलग्नलाई दण्डित गरियोस्।

• Categories
• #अपराध
• #राजनीति
• #सम -सामयिक