दाहाल-नेपाल समूहको केन्द्रीय कमिटी बैठक पेरिसडाँडामा सुरु

आगमनखबर संवाददाता

काठमाडौँ । नेकपा दाहाल–नेपाल समूहको केन्द्रीय कमिटीको बैठक सुरु भएको छ । केही बेरअघि पेरिसडाँडास्थित पार्टी कार्यालयमा केन्द्रीय कमिटीको बैठक सुरु भएको हो । स्थायी कमिटीको बैठकपछि केन्द्रीय कमिटीको बैठक सुरु भएको हो ।

केन्द्रीय कमिटी बैठकमा सर्वोच्च अदालतको फैसलापछिको राजनैतिक स्थितिबारे, प्रधानमन्त्रीसमेत रहेका पार्टी अध्यक्ष केपी शर्मा ओलीलाई अनुशासनको कारबाही र पार्टीको आधिकारिकता दाबीबारे छलफल हुने बताइएको छ ।

पार्टीको आधिकारिकता विवादका विषयमा निर्वाचन आयोगले गरेको ढिलासुस्तीका विषयमा छलफल हुने पार्टीका स्थायी कमिटी सदस्य गणेश साहले बताए । केन्द्रीय सदस्यहरुलाई नागरिकता र पार्टीको परिचयपत्रसहित बैठकमा उपस्थित हुन भनिएको थियो ।   कान्तिपुर दैनिकमा समचार छ।

• Categories
• #पत्रपत्रिका
• #राजनीति