खोटाङमा पुन: दर्जनौ युवा नेकपा पारित्याग गरी कांग्रेसमा प्रबेश

यज्ञ कुमार राई

खोटाङ काङ्ग्रेसमा यतिबेला पार्टी प्रवेश गर्नेको लर्को नै लागेको छ ।

नेपाली काङ्ग्रेस खोटेहाङ गाउँ पालिकामा नेपाली कांग्रेसमा प्रबेश गर्नेको संखा दिनहु बड्दै गएको हो ।

खोटेहाङ गाउँपालिका ४ का वडा सभापति प्रकाश कटुवालको सभापतित्वमा पूर्व क्षेत्रिय सभापति साथै नेपाली काङ्ग्रेस महाधिवेशन प्रतिनिधि रामकुमार श्रेष्ठको प्रमुख अतिथि रहेको पार्टी प्रवेश तथा अन्तरक्रिया कार्यक्रममा दर्जनौ युवा नेकपा पारित्याग गरी कांग्रेसमा प्रबेश गरेका छन ।

सरकारको भ्रष्टाचार जन्य गतिविधिबाट निराश भएका खोटाङका जनताहरु अहिले नेपाली काङ्ग्रेस प्रति आकर्षित हुँदै पार्टी प्रवेशमा गर्नेको लर्को लागेको छ ।

नेपालको सबैभन्दा पुरानो तथा ऐतिहासिक पार्टी नेपाली काङ्ग्रेसको सिद्धान्त र विचार प्रति नेकपाका कार्यकर्ताको झुकाव दिनप्रतिदिन बढ्नुले नेपाली काङ्ग्रेसजनमा खुशीको लहर छाएको कुरा नेविसंघका वरिष्ठ उपाध्यक्ष नयन्द्र राईले बताए ।

खोटाङको बड्का दियालेमा भएको उक्त कार्यक्रममा खड्गबहादुर श्रेष्ठ , ज्ञानकुमार श्रेष्ठ , हरि श्रेष्ठ , टपु श्रेष्ठ , गुणराज श्रेष्ठ , दीपक श्रेष्ठ , एकराज श्रेष्ठ , छत्र श्रेष्ठ लगायत १ दर्जन बढी युवा नेकपा त्याग गरी काङ्ग्रेसमा प्रवेश गरेको जानकारी नेपाली काङ्ग्रेस खोटाङका सदस्य खेमबहादुर खड्काले बताउनुभयो ।