तनहुँमा नेकपा परित्याग गरी ४५ जना कांग्रेसमा प्रबेश ,पौडेलद्वारा स्वागत

आगमनखबर संवाददाता

तनहुँ- नेपाली काङ्ग्रेसका केन्द्रिय सदस्य तथा युवा नेता प्रदिप पौडेलले सामाजिक दुरि कायम गर्दै तनहुँको व्यास नगरपालिका– ६ सिसाघाटमा नेपाली कांग्रेसले आयोजना गरेको पार्टी प्रवेश कार्यक्रममा नेता पौडेलले सामाजिक दुरी कायम गर्दै कार्यकर्तालाई प्रशिक्षण दिएका छन ।

उक्त कार्यक्रममा नेकपा परित्याग गरी ४५ जना कांग्रेसमा प्रबेश गरेका छन नवप्रवेसीहरुलाई नेता पौडेलले स्वागत गर्दै युवापिँढी एकजुट हुनुपर्नेमा जोड दिएका छन ।

देशमा दुई तिहाईको सरकारले माहामारीको बेलामा जनतालाई सन्क्रमण बाट जोगाउन भन्दा पनि भस्टचार गर्न ब्यस्त रहेकोले र कोरोनाको संक्रमण देशभर फैलदै गएको तर सरकारले ठोस निर्णय लिन नसकेको उनले आरोप लगाए ।

किसानले मल नपाएर सास्ती खेपिरहेका छन् तर उनीहरुको समस्या समाधानमा सरकार चुकिरहेको छ । किन सरकारले कृषकको समस्या बुझ्दैन, उनले भने ।कांग्रेसले प्रधानमन्त्री कोषमा रहेको रकम स्थानीय सरकारलाई दिनुपर्छ भन्ने माग गरेको भएपनि सरकारले अटेर गरेको उनले आरोप लगाए ।

नेकपा परित्याग गरी कांग्रेस प्रवेश गरेका छविलाल विकले दुई तिहाईको सरकारलाई भोट दिएर ठुलो गल्ती गरेको महसुस गर्दै नेपाली कांग्रेस नै जनताको पार्टी रहेछ भन्दै नेकापा परित्याग गरेको बताए ।

नेकपा परित्याग गरि आएकालाई केन्द्रिय सदस्य पौडेल र जिल्ला सभापति वैकुण्ठ न्यौपानेले संयुक्त रुपमा दोसल्ला, अबिर तथा कांग्रेसको सदस्यता प्रदान गर्दै स्वागत गरेका थिए ।