खोटाङ जन्तेढुङ्गा गाउपालिकाका डेड दर्जन युवा काँग्रेसमा प्रवेश

यज्ञ कुमार राई

नेपाली काँग्रेस खोटाङका महासमिति सदस्य एवं युवा नेता रबि प्रकाश राईको प्रमुख आतिथ्यतामा खोटाङको जन्तेढुङ्गा गाउपालिका वडा नं. ६ दिप्लुङ स्थित भएको एक कार्यक्रममा नेकपा पार्टी परित्याग गरि दिप्लुङका १४ जना युवा नेपाली काँग्रेस पार्टीमा प्रवेश गरेका छन्।

नव प्रवेशीहरु क्रमश मिलन राई, प्रकाश राई, जीवन राई, सन्जिप राई, पर्शुराम राई, भुमिराज राई, जेमन राई, बाबुराम मगर, कालिदास परियार, प्रबिन राई, किशोर राई, जित बहादुर राई, एजु राई, नेकपा पार्टी परित्याग गरि काँग्रेसमा प्रवेश गरेका हुन् ,उनिहरुलाई नेपाली काँग्रेस खोटाङका महासमिति सदस्य राईले अबिर टीका लगाएर नेपाली काँग्रेस पार्टीमा स्वागत गर्दै राईले युवाहरुको हरेक दुःख सुखमा नेपाली काँग्रेसले साथ दिने प्रतिबद्धता ब्यक्त गरेका छन् ।

राईले कम्युनिस्ट सरकारले युवाहरुको बारेमा वेलैमा सोच्न आग्रह गर्दै कोरोना भाइरस महामारीमा विभिन्न काण्ड र पार्टि विवादमा रहेको नेकपाको असक्षम सरकारले युवाहरुले ठुलै आश गर्न नसक्ने अवस्था रहेको बताए ।

आयोजित कार्यक्रममा महासमिति सदस्य रवि प्रकाश राई, महाधिवेसन प्रतिनिधि राम कुमार श्रेष्ठ, जिल्ला कोष अध्यक्ष जिबन कुमार राई, नेपाली काँग्रेस खोटाङ क्षेत्र नम्बर दुई क्षेत्रीय सभापति तिर्थराज भट्टराई, नेपाली काँग्रेस खोटाङका जिल्ला सदस्य कर्ण बिक, खेम खड्का, देवराज बस्नेत नेपाली काँग्रेस खोटाङको क्षेत्र नम्बर दुईका क्षेत्रीय सचिव तारा मान राई समेतको उपस्थिति रहेको वडा सभापति दिलिप राईले जानकारी दिनुभयो ।

त्यसैगरी जन्तेढुङ्गा ५ चिसापानीका नेकपा खोटाङ जिल्ला कमिटी सदस्य टंक बहादुर मोक्तान, जन्तेढुङ्गा ५, साबिक चिसापानी ६, बाट साङ बहादुर तामाङ , गजेन्द्र तामाङ, र सङ्गम बस्नेत, नेकपा पार्टी परित्याग गरि एक विशेष कार्यक्रममा नेपाली काँग्रेसमा प्रवेश गरेका हुन्। नव प्रवेशी हरुलाई नेपाली काँग्रेस खोटाङका महासमिति सदस्य रवि प्रकाश राई ,नेपाली काँग्रेस खोटाङ क्षेत्र नम्बर २ का क्षेत्रीय सभापति तिर्थराज भट्टराई, महाधिवेशन प्रतिनिधि राम कुमार श्रेष्ठ, नपाली काँग्रेस जिल्ला सदस्य खेम बहादुर खड्का, लगायत युवा नेता बजिन्द्र बिस्टले अबिर टीका लगाएर पार्टी प्रवेश गराउनुभएको नेपाली काँग्रेस जन्तेढुङ्गाका कार्यसमिति सचिब मोहन राईले बताउनुभयो ।