खोटेहाङ गाउँपालिकामा नेकपालाई धक्का, कांग्रेसमा प्रवेश गर्नेको लर्को

यज्ञ कुमार राई

खोटाङमा नेकपाका सक्रिय नेता तथा कार्यकर्ता सहित नेकपा पार्टी पारित्याग गरी नेपाली कांग्रेसमा प्रवेश गरेका छन् ।

नेपाली काँग्रेस खोटाङका महासमिति सदस्य एवं युवा नेता रबि प्रकाश राईको प्रमुख आतिथ्यतामा खोटेहाङ गाउँपालिका वडा नम्बर ६ ईण्द्रेणीपोखरी स्थित भएको एक कार्यक्रम नेकपाका सक्रिय नेता कार्यकर्ता नेकपा पार्टी परित्याग गरि काँग्रेसमा प्रवेश गरेका हुन् ।
।

आयोजित कार्यक्रममा नव प्रवेशी हरुलाई नेपाली काँग्रेस खोटाङका महासमिति सदस्य राईले नव प्रबेशी युवाहरुलाई स्वागत गरेका छन । स्वागत गर्दै नेता राईले युवाहरुको हरेक दुःख सुखमा नेपाली कांग्रेसले साथ दिने प्रतिबद्धता ब्यक्त गरे।

उनले कम्युनिस्ट सरकारले युवाहरुको बारेमा वेलैमा सोच्न आग्रह गरे। कोरोना भाइरस महामारीमा विभिन्न काण्ड र पार्टि विवादमा रहेको नेकपाको असक्षम सरकारले युवाहरुले ठुलै आश गर्न नसक्ने अवस्था रहेको बताए ।

नव प्रबेशी युवाहरुले नेपाल कम्युनिस्ट नेकपा जनताको सुखदुखको पार्टी हुन नसकेको ,सम्पूर्ण क्षेत्रमा जनसहभागितामा नभई एकलौटी रूपमा स्थानीय जनप्रतिनिधिहरूले निर्णय गरेको,आफ्नो मनोमानी ढंगले बिकास निर्माण गरेको र विकास निर्माणमा चरम् लापवार्ही भएको तथा सम्पूर्ण योजनाहरू स्थानीय सरकार संचालन ऐन संग मेल खाने खालको नभयको र कुनैपनि हालतमा हुन नसक्ने र बर्तमान नेकपा दुई तिहाइ सरकारको हावादारी कार्यबाट देशको समृद्धि हुन नसक्ने आरोप लगाउदै उनीहरु कांग्रेसमा प्रवेश गरेका हुन् ।

कार्यक्रममा महासमिति सदस्य रवि प्रकाश राई, नेपाली काँग्रेस खोटाङ क्षेत्र नं. २ का क्षेत्रीय सभापति तिर्थराज भट्टराई , त्यसै विद्यार्थी युवा नेता नेविसंघ खोटाङका उपअध्याक्ष नईन्द्र राई, लगायत नेपाली काँग्रेस खोटाङका बाक्लै नेता तथा कार्यकर्ताहरूको उपस्थित रहेको नेविसंघ खोटेहाङ गाउपालिकाका अध्यक्ष गणेश खड्काले बताउनुभयो ।