जन्तेढुङ्गा गाउँपालिकाका एक युवाले गरे प्यारालाईसका बिरामीलाई आर्थिक सहयोग

अमित चाम्लिङ

खोटाङ जन्तेढुङ्गा गाउँपालिका समाजसेवी उमेश राई बैदेशिक रोजगारीका लागि कुबेतमा रहेर बस दुर्घटनामा परी प्यारालाइसि भएका भोजपुर निवासी राजन राईलाई स्वास्थ्यलाभको कामनासहित आर्थिक सहयोग स्वरूप ५० हजार रुपैयाँ सहयोग गरेका छन् ।

राईले कुवेतबाट पठाइएको आर्थिक सहयोग रकम भजपुरका संघीय सांसद सुदन किरातीले बिरामीको घरमै पुगेर हस्तान्तरण गर्नुभएको छ। दुई छोरा र तीन छोरीका बाबु राजन राई ४० वर्षकै उमेरमा दुर्घटनामा परी थलिँदा आफ्नोभन्दा पनि छोराछोरीको शिक्षादीक्षाका लागि चिन्तित छन्। कोरोना महामारीले अस्तव्यस्त पारेको अवस्थामा कुवेतबाट पठाइएको आर्थिक सहयोगले बिरामीलाई केही आर्थिक सहयोग पुगेको राजन राईले बताउनुभयो।

वर्षेझरीको पर्वाह नगरी चिप्लोबाटो पार गर्दै बिरामीको घर पुगेका सांसद किरातीले भन्नुभयो आखिरी विचार मिले समुद्रले छेक्दैन रहेछ । हामी भोजपुरवासीका तर्फबाट सहयोगी समाजसेवी राईलाई मुरीमुरी धन्यवाद ज्ञापन गर्दछौं ।’ पवित्र कामका लागि आफूलाई विश्वास गरेर पुलको भूमिका निर्वाह गर्ने अवसर दिलाइदिएकोमा उनले खुसी व्यक्त गरे ।

जन्तेढुङ्गा गाउपालिका–२ हिउराङ साउने, खोटाङ जिल्लानिवासी मनकारी सहयोगी उमेश राई किरात राई ययोक्खा कुवेत उपाध्यक्ष र खोटाङ–कुवेत सम्पर्क मञ्चका सचिवसमेत हुन् ।

• Categories
• #अर्थतन्त्र
• #दुर्घटना
• #देश–विदेश