नेपाली जनसम्पर्क समिति मलेसियाद्वारा भूकम्प पिडितलाई १ लाख सहयोग प्रदान

आगमनखबर संवाददाता

मलेसिया । नेपाली जनसम्पर्क समिति मलेसियाले नेपालको जाजरकोट र रुकुम पश्चिमका भूकम्पा प्रभावित क्षेत्रका भूकम्प पिडित हरुका लागि १ लाख सहयोग प्रदान गरेको छ ।

नेपाली जनसम्पर्क समिति मलेसियाले गत कार्तिक १७ गते शुक्रबार राति आएको भुकम्पपिडित हरुलाई १ लाख राहात स्वरुप सहयोग प्रदान गरिएको हो ।

नेपाली कांग्रेस पार्टीद्वारा खडा गरिएको विपद् व्यवस्थापन कोषमा नेपाली कांग्रेस पार्टी केन्द्रीय कार्यलयको पत्र अनुसार नेपाली जनसम्पर्क समिति मलेसियाले भूकम्प पिडित हरुका लागि उक्त कोषमा १ लाख जम्मा गरिएको समितिका सभापति चोला कान्त पंगेनीले जानकारी गराएका छन् ।

कार्ति १७ गते नेपालीको जाजरकोट र रुकुम पश्चिमलाई केन्द्रविन्दु बनाएर आएको ६.४ रेक्टरको भूकम्पमा परि १५७ जनाभन्दा बढीको मृत्यु र ३७५ जनाभन्दा बढी घाइते भएकाथिए भने सयौं घर भत्केका छन् ।

नेपाली जनसम्पर्क समिति मलेसियाले स्थापनाकाल देखिनै नेपालमा भईपरि आएको यस्ता प्रकृति प्रकोपको कारण भएको घट्ना जस्तै बाढी, पहिरो भूकम्प पिडितहरुलाई मात्र हैन मलेसियामा रहेको समस्यामा परेको पिडित नेपाली श्रमिक हरुको लागि पनि यस्ता सहयोगहरु गर्दै आएका छन ।

• Categories
• #अर्थतन्त्र
• #देश–विदेश