श्रमिकको सम्मान र संस्कृतिको विकास आजको आवश्यकता :- रामचन्द्र पौडेल

आगमनखबर संवाददाता

प्रमुख प्रतिपक्ष दल नेपाली काँग्रेसका वरिष्ठ नेता रामचन्द्र पौडेलले श्रमीकहरुको सम्मान आजको आवश्यकता रहेको बताएका छन् ।

सामाजिक लोकतन्त्र अध्ययन केन्द्रले आयोजना गरेको लोकतान्त्रिक समाजवाद र सूदुरपश्चिम प्रदेश विषयक भर्चुअल अन्तरक्रिया कार्यक्रममा श्रमको सम्मान गर्ने संस्कृतिको विकास गर्न नसकेसम्म विदेशिने र सहरमा जनसङ्ख्याको चाप बढ्ने अवस्थाको अन्त्य नहुने साथै नेपालमा श्रमको सम्मान नहुँदा लाखौँ युवा विदेशिन बाध्य रहेको बताए ।

महाकाली सन्धिको कार्यान्वयन नहुँदा सुदूरपश्चिम प्रदेश विकासको गतिमा अगाडि बढ्न नसकेको र गाउँका जनतालाई रोजगारी र गाउँमा नै जनतालाई आम्दानीको बाटो पहिल्याउनु अहिलेको मुख्य आवश्यकता रहेको नेता पौडेलले बताए ।

बन्दाबन्दी खुकुलो हुन थालेपछि पार्टीको १४औँ महाधिवेशनको कार्यतालिका तत्काल परिमार्जन गरेर महाधिवेशनको काम अगाडि बढाउनुपर्ने उल्लेख गरेका छन ।

• Categories
• #राजनीति
• #विचार