हिन्दुबुद्धिष्ट फाउण्डेशन समेतको आयोजनामा पुन: खाधान्य बितरण सम्पन्न

आगमनखबर संवाददाता

क्यानाडा । एनआरएनए क्यानाडा, हिन्दुबुद्धिष्ट फाउण्डेशन अफ क्यानडा HBFC र NCSBC को सयुक्त आयोजनामा अन्तर्राष्ट्रिय विद्यार्थीहरूको लागि भ्यानकुभर, क्यानडामा स्थापना गरेको फूड बैंकले आज पुन: खाधान्य बितरण गरेको छ।

NRNA क्यानाडा, HBFC र NCSBC को सयुक्त आयोजमा गत २९ जनवरी २०२३ मा स्थापना भएको फूड बैंकले लगातार रुपमा अन्तर्राष्ट्रिय विद्यार्थीहरूलाई स्वागत गर्दै आधारभूत खानाहरू जस्तै चामल, दाल, बेसार, तेल, जीरा र नुन लगाएतका खाधान्य सहयोग गर्दै आईरहेको फूड बैंकले आज आईतबार अगस्त २० मा पनि झन्डै ५० जना विद्यार्थीहरूलाई खाधान्य सहयोग गरेको र सस्थाले नव आगन्तुक नेपाली समुदायलाई समस्या परेको समयमा फूड बैंकले जुनसुकै बेला पनि सहयोग गर्दै आईरहेको मन्दिर सन्चालन समितीका अध्यक्ष मधु आचार्यले जानकारी दिए ।

मन्दिर संचालकले फूड बैंक सँगै वेला वखतमा विभिन्न जानकारी मूलक सभा, गोष्ठि, वर्कसप आदि कार्यहरु गर्दै आएको छ । हिन्दुबुद्धिष्ट फाउण्डेशन अफ क्यानडा संस्था क्यानडामा च्यारिटी रजिस्टर्ड संस्था सन् २०१६ मार्चमा स्थापना गरि मन्दिर स्थापना गर्ने जग्गा सहितको भवन किन्ने कार्यमा सबै एकजुटभई सन् २०१८ जूलाईमा मन्दिरको भवन खरिद गरिएको हो ।

समुदायको स्वयंसेवा र दातृहरुको सहयोगमा फूड बैंक साथै मन्दिरको मर्मत सम्भार गरी माथिल्लो तल्लामा मन्दिर र तल्लो तल्लामा विविध कार्यगर्ने हल निर्माण गरिएको छ ।

• Categories
• #अन्तराष्ट्रिय