असन्तुष्ट नेता रावलसँग संवाद गर्न टोली गठन, उचित जिम्मेवारी दिइने

आगमनखबर संवाददाता

काठमाडौं। शनिबार पार्टी केन्द्रीय कार्यालय च्यासलमा बसेको पार्टीको केन्द्रीय सचिवालय बैठकले पार्टीमा असन्तुष्ट नेता डा. भीमबहादुर रावलसँग संवाद गर्न नेकपा (एमाले) ले पार्टीका तीन सदस्यीय संवाद टोली गठन गरेको छ ।

संवादका लागि पार्टीका उपाध्यक्ष विष्णु पौडेलको संयोजकत्वमा तीन सदस्यीय संवाद टोली गठन गरिएको उपमहासचिव पृथ्वीसुब्बा गुरुङले जानकारी दिनुभयो । टोलीमा पार्टी सचिव एवम् सुदूरपश्चिम प्रदेश कमिटीका इन्चार्ज लेखराज भट्ट र सहइन्चार्ज कर्ण थापा सदस्य रहनु भएको छ ।

नेता रावलसँग संवादपछि उहाँ सच्चिएर आएमा उचित जिम्मेवारी दिइने एमालेले जनाएको छ ।

यसैबीच पार्टी निर्माणमा आफ्नो जीवन लगानी भएको बताउनुहुँदै नेता रावलले संवादमार्फत समस्या समाधान गर्नमा आफू जहिले तयार रहेको बताउनुभयो ।

• Categories
• #मुख्य समाचार
• #राजनीति