बाग्लुङ्ग घटनामा संलग्न व्यक्तिलाई कानूनी कारवाही गर्न कांग्रेस संसदीय दलद्वारा माग

आगमनखबर संवाददाता

काठमाडौं । नेपाली कांग्रेसका प्रमुख सचेतक बालकृष्ण खाणले बाग्लुङ्ग सांघातिक हमला गरी हत्या र अन्य केही व्यक्तिहरुलाई घाइते बनाइएको घटनाको नेपाली कांग्रेस संसदीय दलद्वारा घोर भत्र्सना गरेका छन ।

खाणले सोमबार एक बिगप्ति जारी गरी आइतबार फागुपूर्णिमाका दिन बाग्लुङ्ग र प्यूठान जिल्लाको सिमानामा पर्ने बडीगाड गा.पा. वडा नं. १० बल्देधुरीमा घटेको हिंसात्मक घटना प्रति गम्भीर ध्यानाकर्षण भएको जनाएका छन ।

नेपाली कांग्रेस जिल्ला कार्यसमितिका सदस्य प्रकाश कुँवर र कार्यकर्ता दिपक परियारलाई सांघातिक हमला गरी हत्या र अन्य केही व्यक्तिहरुलाई घाइते बनाइएको घटनाको नेपाली कांग्रेस संसदीय दल घोर भत्र्सना गर्दछ जारी बिगप्ति उल्लेख छ ।

अपराधिक मानसिकताका साथ जघन्य अपराध गर्ने जो कोहीले उन्मुक्त नपाओस् भन्ने हाम्रो ठहर छ । तसर्थ उक्त घटनाको छानविन गरी हत्यामा संलग्न व्यक्तिलाई अविलम्ब पक्राउ गरी कानूनी कारवाही गर्न नेपाली कांग्रेस संसदीय दल सरकार समक्ष जोडदार माग गर्दछ ।

घटनामा परी घाइते हुनु भएका व्यक्तिहरुको शीघ्र स्वास्थ्यलाभको कामना गर्दै उनीहरुको उचित स्वास्थ्य उपचारका लागि सरकार समक्ष माग गर्दछ । साथै ज्यान गुमाउने प्रति नेपाली कांग्रेस गहिरो दुःख व्यक्त गर्दै शोक सन्तप्त परिवारजनमा समवेदना प्रकट गर्दछ ।