नेप्सेमा उत्साहसङ्गै, नयाँ रेकर्ड कायम

आगमनखबर संवाददाता

काठमाडौ । नेप्सेमा नयांँ रेकर्ड कायम भएको छ। बिहीबार नेप्से परिसूचक १८ दशमलव ४३ अंकले बढेर १ हजार ८ सय ९३ दशमलव २४ अंकमा पुगेको छ । जुन नेपाली सेयर बजारको इतिहासमै सबैभन्दा धेरै हो।

बिहीबार दिनभर भएका ७० हजार भन्दा धेरै कारोबार भएको छ । जसमध्ये २०१ कम्पनीको १ करोड ७१ लाख ८८ हजार ९९ कित्ता सेयर किनबेच भएका छन् । जस अनुसार कारोबार रकम ७ अर्ब ६१ करोड ३० लाख ३० हजार ९१ रुपैयाँ पुगेको छ ।

बिहीबार ‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स समेत २ दशमलव ८५ अंकले बढेको छ

नेपाली शेयरमा बिहिबार भएको यो कारोबार अहिलेसम्मकै उच्च कारोबार हो । यस अघि एकैदिन ६ अर्ब ११ करोडको कारोबार भएर नयाँ रेकर्ड कायम भएको थियो । अब भने नयाँ रेकर्ड कायम भएको छ ।

• Categories
• #अर्थतन्त्र
• #सेयर मार्केट