राष्ट्रिय स्वतन्त्र पार्टीका सभापति एवं पुर्व उपप्रधानमन्त्री तथा गृहमन्त्री लामिछाने मलेसियामा

आगमनखबर संवाददाता

मलेसिया । राष्ट्रिय स्वतन्त्र पार्टीका सभापति एवं पुर्व उपप्रधानमन्त्री तथा गृहमन्त्री माननीय रवि लामिछाने मलेसिया भ्रमणमा आउनु भएको छ। सहमहामन्त्री कविन्द्र बुर्लाकोटी र सहकोषाध्यक्ष दीपक बोहोरालाई लिएर रास्वपा सभापति लामिछाने मलेसिया भ्रमणमा आज आइतबार बिहान मलेसिया आउनु भएको हो ।

मलेसिया आएको लामिछानेलाई नेपाली राजदुतावासको तर्फबाट दूतावासका उपनियोग प्रमुख मुदिता बज्राचार्य र द्वितीय सचिव प्रेम बहादुर बुढाथापा लगायत पार्टीका प्रदेश विभागका संयोजक नेत्र केसीको टोलीले मलेसियाको अन्तर्राष्ट्रिय विमानस्थलमा पुगि खादा लाएर स्वागत गरेका छन् ।

विभिन्न कार्यक्रममा सहभागी हुनका लागि लामिछाने तीनदिनका लागि मलेसिया भ्रमणमा आउनु भएको पार्टी प्रदेश विभाग मलेसियाका सभापति कार्यक्रमको संयोजक नेत्र केसीले जानकारी दिए। आइतबार मलेसिया आईपुगेका लामिछाने यहाँ रहेका नेपालीसँग भेटघाट र अन्तरक्रिया गर्ने कार्यक्रम रहेको छ ।

केसीका अनुसार आज आइतबार मलेसियाको क्वालालम्पुरस्थित होटल ग्राण्ड कन्टिनेन्टलमा भेटघाट तथा अन्तरक्रिया कार्यक्रम तय गरिएको छ। त्यस्तै, सोमबार मलेसियामा रहेका नेपाली समुदायसँग अन्तरक्रिया गर्ने कार्यक्रम तय गरिएको उनले बताए ।