वातवरणीय परिस्थितिका कारण शुक्रवार सम्म पठनपाठन बन्दगर्ने त्रिभुवन विश्वविद्यालयको निर्णय

आगमनखबर संवाददाता

काठमाडौं । त्रिभुवन विश्वविद्यालयले वातवरणीय परिस्थितिका कारण विद्यार्थीहरूको स्वास्थ्यमा प्रतिकूल असर पर्नसक्ने भएकोले भन्दै चैत १७ गतेदेखि  चैत्र २० गते शुक्रवार सम्म पठनपाठन बन्द गरी विद्यार्थीहरूलाई विदा दिने निर्णय गरेको छ ।

त्रिभुवन विश्वविद्यालयले सोमबार एक सूचना जारी गरी विगत केही दिनदेखि वायुमण्डलमा देखा परेको अस्वाभाविक वातवरणीय परिस्थितिका कारण विद्यार्थीहरूको स्वास्थ्यमा प्रतिकूल असर पर्नसक्ने भएकोले यस गम्भीर अवस्थालाई दृष्टिगतगरी त्रिभुवन विश्वविद्यालय अन्तर्गतका निकायहरूका नियमित प्रशासनिक कार्यहरू यथावत सञ्चालन हुनेगरी चैत १७ गतेदेखि  चैत्र २० गते शुक्रवार सम्म पठनपाठन बन्द गरी विद्यार्थीहरूलाई विदा दिने निर्णय गरेको सम्बन्धित सबैको जानकारीकालागि सूचना प्रकाशन गरेको हो । 

पूर्वनिर्धारित कार्य तालिका अनुसार परीक्षा सञ्चालन गरिरहेका त्रि.वि.का निकायहरूले स्वास्थ्य सजगता अपनाउँदै परीक्षाका कार्यक्रमहरू यथावत सञ्चालन गर्न निर्णयानुसार सूचित गरिन्छ जारी सुचनामा उल्लेख छ । 

• Categories
• #शिक्षा