थोरै ढिलो भएको भए म पनि ट्याक्सीसँगै जल्थें !

आगमनखबर संवाददाता

विहान ४ बजे ट्क्यासी निकालेर म थापाथली पुगें । त्यहाँबाट सोहखुट्टेको टिप आयो । सोह्रखुट्टेमा प्यासेन्जर छाडेर फर्किन लाग्दा सामाखुसीको टिप आयो त्यहाँ पुर्याएपछि एकजना मान्छे आएर चाबहिल जाउँ भन्यो । 

विहानै अर्को टिप पनि पाइयो भनेर मैले बस्नुस् भनें । उनीहरु दुईजना रहेछन् । तर उनीहरुको उद्देश्य अर्कै रहेछ , हामी आन्दोलनकारी हौं भने । दाहिनेतिरबाट एउटाले पेट्रोल छर्कियो , देब्रेतिरबाट ढोका खोलेर अर्कोले सलाई कोरेर फाल्यो । म आत्तिएर केही सोनै सकिनँ । 

गाडीमा आगो हुरहुरी बलिसक्यो म सिटबेल्ट लगाएर बसेको थिएँ । अत्तालिएर केहीबेर सोच्नै सकिन , तर बल्लतल्ल निस्केर ज्यान जोगाएँ । उनीहरुको उद्देश्य गाडीसहित मलाई पनि जलाउने रहेछ क्यारे । थोरै ढिलो भएको भए म पनि ट्याक्सीसँगै जल्थें । म मजदूर हो , गाडी साहुलाई मैले ट्याक्सी निकालेको पनि थाहा थिएन । 

जलेको थाहा भएपछि किन निकालेको भनेर उल्टै हप्काए । अहिले म केही सोच्न सकिरहेको छैन , मेरा बालबच्चा पाल्ने अरु कुनै उपाय छैन । देशको लागि आन्दोलन गरेको भन्नेहरुले म जस्तो गरीव मजदूरको ट्याक्सी जलाएर के पाए ? उनीहरुलाई कुर्सी पाउनका लागि हामी जस्ता सर्वहाराले कहिलेसम्म दुःख पाउने हो ?

(ट्याक्सी चालकले सामाजिक  सन्जालमा पोस्ट गरेको लेख जस्ताको त्यस्तै )

• Categories
• #दुर्घटना
• #राजनीति