अफ्रिकामा कोरोनाबाट ३४ वर्षीय एक नेपाली युवकको मृत्यु

आगमनखबर संवाददाता

दक्षिण अफ्रिकामा कार्यरत एक नेपाली युवकको कोरोना भाइरस (कोभिड-१९) को संक्रमणबाट मृत्यु भएको छ । पाँचथर स्थायी घर भएका ३४ वर्षीय युवकको दक्षिण अफ्रिकाको जोहान्सबर्गमा कोरोना संक्रमणबाट मृत्यु भएको गैरआवासीय नेपाली अन्तर्राष्ट्रिय संघका कोषाध्यक्ष हिक्मत थापाले जानकारी दिए । उनी सर्फ बनाउने कारखानामा सेक्युरिटी गार्ड सुपर भाइजरका रुपमा कार्यरत थिए ।

थापाका अनुसार अफ्रिका महादेशमै कोरोनाबाट पहिलो नेपालीको मृत्यु भएको हो । अहिलेसम्म अफ्रिकाका दक्षिण अफ्रिका, नाइजेरिया, इजिप्ट र आइभोरी कोस्ट गरी २२ जना नेपालीमा कोरोना संक्रमण पुष्टि भएको छ । जसमध्ये १० जना निको भई घर फर्किएको थापाले जानकारी दिए ।

• Categories
• #देश–विदेश
• #स्वास्थ