समयमै सडक नबनेको भन्दै दबाबमूलक कार्यक्रम सम्पन्न

आगमनखबर संवाददाता

स्याङ्जा। गल्याङ नगरपालिका-११ स्थित करिब २५ बर्ष पहिले बनेको स्याङ्जा जिल्लाकै सबैभन्दा ठूलोमध्येको एक पुरानो ग्रामीण सडकखण्डको कालोपत्रे गर्ने कार्य यथाशीघ्र समयमा सूचारु नभएको र जनता एवं यातायात व्यवसायीहरुले अत्यन्तै कष्टप्रद जोखिमपुर्ण यात्रा मोल्नु परेको भन्दै प्रदेश र संघीय सरकारको ध्यानाकर्षण सहित दबाबमूलक कार्यक्रम सम्पन्न गरिएको छ।

त्यसैगरी कार्यक्रमकै क्रममा आउदै गरेका चाडपर्वलाई मध्यनजर राख्दै स्थानीय सरकारलाई पनि यात्रा सहजताको उपाय खोज्नको लागि ध्यानाकर्षण गराईएको छ। आम जनसमुदाय, यातायात व्यवसायी, प्रहरी प्रशासन र पत्रकारहरुको उपस्थितिमा सो कार्यक्रम गरिएको स्थानीय सरोज कंडेलले आगमन खबरलाई जानकारी गराउनुभएको छ।

समयमै कार्यसम्पन्न गर्नको लागि निर्माण व्यवसायी(ठेकेदार) एवं प्रदेश/संघीय सरकार हार्दिक अनुरोध गरिएको छ अन्यथा चापाकोटदेखि गल्याङ सडक उपभोक्ताहरु उत्रिएर थप सशक्त कार्यक्रमहरु अगाडी बढ्न बाध्य हुने भन्दै सम्पुर्ण सम्बन्धित् निकायलाई ध्यानाकर्षण गराइएको छ।

डिल्लिराम अर्यालले संचालन गर्नुभएको कार्यक्रममा गल्याङ नगरपालिका-११ का वडादक्ष शंकरदेब अधिकारी, स्थानीय बुद्धिजीवी नारायण प्र.ज्ञवाली, लिलाराम ज्ञवाली, टंक प्रसाद भट्टराई र दिमिक युथ क्लबका अध्यक्ष ढाकारामले बोल्नु भएको थियो।

• Categories
• #यातायात
• #सम -सामयिक