खोटेहाङ गाउँपालिका सभापतिमा ढकालको प्यानल सहित उम्मेदवारी सार्वजनिक

आगमनखबर संवाददाता

खोटाङ । नेपाली काङ्ग्रेस खोटेहाङ गाउँपालिका सभापतिमा युवा नेता राजु ढकालले प्यानल टिम सहित उम्मेदवारी सार्वजनिक गरेका छन्।

नेपाली काङ्ग्रेस खोटाङको सातौं जिल्ला अधिवेशन अन्तर्गत असोज ९, गतेलाई तोकिएको पालीका अधिवेशनमा नेता ढकाल, “अग्रजलाई सम्मान, युवालाई प्रोत्साहन खोटेहाङ गाउँपालिका कार्यसमिती निर्माण हाम्रो अभियान” नारा सहित चुनावी मैदानमा होमिएका हुन्।

नेपाली काङ्ग्रेस तरुण विभागका केन्द्रीय सदस्य समेत रहेका नेता ढकाल आफ्नो प्यानल पुर्ण रुपमा समावेशी साथै बलियो भएको दाबी गर्छन।

उनको टिमबाट उपसभापतिमा विमल लामा, र बिष्णु बिष्ट प्रतिष्पर्धामा छन भने सचिवमा प्रविण केसि, र धिरेन्द्र राईले उम्मेदवारी सार्वजनिक गरेका छन। त्यसैगरी सह-सचिवमा न्युटन कार्की, र माघिका राईले उम्मेदवारी सार्वजनिक गरेका छन।

श्रोतका अनुसार नेता ढकालको प्यानललाई नेपाली काङ्ग्रेस खोटाङका पुर्व सभापति एवं महासमिति सदस्य बिष्णुकुमार राई, महासमिति सदस्यहरु रविप्रकाश राई, केशव कार्की, हिरा गुरुङ, कमला राई, साथै महाधिवेशन प्रतिनिधि रामकुमार श्रेष्ठ, सहरमान राई, नेपाली काङ्ग्रेस खोटाङका सचिव इच्छु राना, सह-सचिव प्रेमकुमार राई, कोषाध्यक्ष जीवन राई, साथै नेपाली काङ्ग्रेस, सदस्यहरु वसन्त राई, भुवन श्रेष्ठ, शरण कुमार राई, दिनेश घिमिरे, जिल्ला सदस्य तथा वाराहपोखरी गाउँपालिका प्रमुख शालिकराम बञ्जारा, प्रदेश सभा क्षेत्र नं. ‘ख’ खोटाङका सभापति तिर्थराज भट्टराईको बलियो समर्थन रहेको बुझिन्छ।

पालीकाका ९, वडा मध्य केही बाहेक सबै वडा सभापतिहरुको समेत नेता ढकाललाई पुर्ण समर्थन रहेको श्रोतले जनाएको छ। जसकारण सांगठनिक, भौगोलिक, एजेण्डागत हरेक हिसाबले राजु ढकाल नेतृत्वको प्यानल वहुमतका साथ विजयी हुने आंकलन गर्न सकिन्छ।

नेता राजु ढकाल युवा व्यवसायी हुनका साथसाथै खोटेहाङ गाउँपालिका क्षेत्रमा राम्रो प्रभाव राख्ने व्यक्तित्व समेत हुन।

• Categories
• #कांग्रेसको १४ औ महाधिवेशन
• #राजनीति