एमालेको सिङ्गो गाउँनै कांग्रेसमा प्रवेश, युवा नेता रविप्रकाश राईले गरे स्वागत

आगमनखबर संवाददाता

खोटाङ । नेपाली कांग्रेस खोटेहाङ गाउँपालिका वडा. नं. ३ सावाकटहरेमा नेकपा एमाले पार्टी परित्याग गरि ४६ जना नेपाली कांग्रेसमा प्रवेश गरेका छन् ।

शनिबार खोटेहाङ गाउँपालिका वडा नं. ३ ले आयोजना गरेको पार्टी प्रवेश कार्यक्रममा ४६ जना नेकपा एमालेका नेता तथा कार्यकर्ता प्रवेश गेरका हुन्। नवप्रबेशीहरुलाई नेपाली काङ्ग्रेसका युवा नेता एवं महासमिति सदस्य रविप्रकाश राईले स्वागत गरेका छन् ।

पार्टीका नवनिर्वाचित वडा सभापती जेफर राईको सभापतित्वमा आयोजित कार्यक्रममा प्रमुख अतिथि युवा नेता रविप्रकाश राई, विशेष अतिथि नेबिसंघ खोटाङका पुर्व अध्यक्ष एवं पार्टी जिल्ला सदस्य दिनेश घिमिरे, नेपाली कांग्रेस तरुण विभाग केन्द्रीय सदस्य राजु ढकाल साथै पार्टीका अन्य नेता कार्यकर्ताको भव्य उपस्थिति रहेको थियो।

वडा सभापती जेफर राईका अनुसार पार्टी प्रवेश संगै वडा. नं. ३, सावाकटहरेमा ३९ सदस्यीय टोल कमिटी समेत गठन गरिएको बताए ।

नेकपा एमाले परित्याग गरि कांग्रेसमा प्रवेश गरेका नरेश वि.क. लगायतका नेता कार्यकर्तालाई स्वागत गर्दै नेपाली कांग्रेस खोटाङका महासमिति सदस्य एवं कार्यक्रमका प्रमुख अतिथि रविप्रकाश राईले, नवप्रवेशी नेता कार्यकर्तालाई नेपाली कांग्रेस भित्र कहिलैपनि अन्यायमा पर्न नदिने र उनिहरुको राजनीतिक जीवनको उचित मुल्यांकन गर्दै उपयुक्त जिम्मेवारी प्रदान गर्ने प्रतिबद्धता समेत व्यक्त गरे।