नेकपा एमालेको माधव पक्षलाई थप घाटा : अदालतद्धारा अन्तरिम आदेश दिन अस्विकार

दिनेश अर्याल

काठमाडौँ । पछिल्लो समय समानान्तर कमिटि गठन गर्दै हिंडेका नेकपा एमालेको माधव पक्षलाई एकपछि अर्को घाटा थपिएको छ ।

सर्वोच्च अदालतले सत्तारूढ नेपाल कम्युनिष्ट पार्टी (एमाले) का माधव नेपाललगायत नेताहरूले आफूमाथि हुन लागेको कारबाही रोकी पाऊँ भन्दै दिएको रिटमा अन्तरिम आदेश दिन अस्वीकार गरेपछि उनीहरुलाई थप घाटा भएको हो । आज सोमबार न्यायाधीश प्रकाश ढुंगानाको इजलासले उनीहरुलाई अन्तरिम आदेश नदिने निर्णय गरेको हो ।

न्यायाधीश प्रकाश ढुंगानाको इजलासमा भनिएको छ , ‘हालको प्रारम्भिक अवस्थामा पार्टीको आन्तरिक कार्य व्यवस्थाको शिलशिलामा स्पष्टीकरण सोधिएकै भरमा मात्र माग गरेबमोजिमको अन्तरिम आदेश जारी गर्नुपर्ने देखिएन । ’

प्रधानमन्त्रीसमेत रहेका नेकपा एमालेका अध्यक्ष केपी शर्मा ओलीले केहि दिन अगाडी २७ जना सांसदलाई पार्टीविरुद्धको गतिविधिमा लागेको भन्दै स्पष्टिकरण सोधेका थिए । माधव नेपाललगायत नेताहरूले आफूमाथि हुन लागेको कारबाही रोकी पाऊँ भन्दै ओलीलाई विपक्षी बनाएर सर्वोच्चमा  रिट दायर गरेका थिए ।

• Categories
• #राजनीति
• #सत्ता समीकरणको खेल