सिमा नाका संचालनका विषयमा सरकार गम्भीर बनोस्: बालकृष्ण खांण

आगमनखबर संवाददाता

काठमाडौँ । प्रमुख प्रतिपक्षी दल नेपालि कांग्रेसका केन्द्रीय सदस्य  बालकृष्ण खाणले  सिमा नाका संचालनका विषयमा सरकारलाई गम्भीर बन्न तथा सिमा नाका सुरक्षित र व्यवस्थित तवरले संचालन गर्नको लागि  अनुरोध गरेका छन् ।

आईतवार एक बिज्ञप्ति जारि गर्दै नेता खाँडले कोरोना भाईरसले पारेको असरलाई मध्यनजर गर्दै अबदेखि उद्योग तथा व्यवसायहरुलाई संचालन गर्नुपर्ने कुरा उल्लेख गरेका छन् ।

यस्तो छ नेता खाँडले जारी गरेको बिज्ञप्ति

नोवेल कोरोना भाइरसको महामारीले नेपाली जनताको जीवन स्तरमा गम्भिर प्रभाव पारेको वर्तमान अवस्थामा लामो समय देखिको वन्दावन्दीले नेपालमा उद्योग, कलकारखाना, पर्यटन व्यवसाय, यातायात व्यवसाय र दैनिक ज्यालादारी गरी गुजारा चलाई आईरहेको मजदुर ज्यादै मर्कामा परेका छन् ।

 लामो समय देखि सिमा नाका वन्द हुदा उद्योग व्यवसाय प्राय ठप्पै छ । त्यसैले उद्योग व्यवसायलाई जोगाउन र टिकाउन व्यवसायीहरुलाई ज्यादै हम्मे हम्मे परेको छ ।

रुपन्देही जिल्लाको सिद्धार्थनगरका उद्योगी तथा पर्यटन व्यवसायीहरुले वेलहिया स्थित नेपाल- भारत सीमा नाकालाई व्यवस्थित र सुरक्षित रुपमा संचालनका लागि गरिरहनु भएको पहल सकारात्मक छ । सिमा नाका संचालनका विषयमा सरकार गम्भीर बनोस् र यथाशिघ्र सिमा नाका सुरक्षित र व्यवस्थित तवरले संचालन गर्न सरकार संग जोडदार माग गर्दै सिद्धार्थनगरका उद्योगी, व्यवसायी, श्रमिक मजदुरहरुले सिमानाका संचालन गर्न गरिएको दबाब कार्यक्रमको समर्थन गर्दछु ।

जय नेपाल !

बालकृष्ण खाण

केन्द्रीय सदस्य

नेपाली कांग्रेस

२०७७/११/०९

• Categories
• #राजनीति