बझाङमा कोरोना संक्रमणबाट गाडी चालकको मृत्यु

हिम शाह

बझाङ जिल्ला अस्पताल शनिबार मृत्यु भएका युवकमा कोरोना संक्रमण पुष्टि भएको छ। जयपृथ्वी नगरपालिका- ८ बारिल घर भएका एक २८ वर्षीय युवकको अस्पताल पुर्‍याएको एक घण्टामै मृत्यु भएको थियो।

उनमा सास फेर्न गाह्रो हुनेलगायतका लक्षण देखिएकाले कोरोना संक्रमणको आशंकामा नमुना स्वाब संकलन गरी डडेल्धुरा अस्पतालको प्रयोगशालमा पठाइएको थियो।उनको कोरोना रिपोर्ट पोजेटिभ आएको अस्पतालले जनाएको थियो।

उनको शनिबार बिहान १० बजे मृत्यु भएको जिल्ला अस्पताल बझाङका मेडिकल सुपरिटेन्डेन्ट डाक्टर सन्दीप ओखेडाले बताए।

उनी एक हप्तादेखि अस्वस्थ थिए। ती युवकको मृत्युपछि जिल्ला अस्पताल बझाङले सम्पूर्ण सेवा बन्द गरेको छ। चालकमा कोरोना देखिएपछि गाडी धनीमा पनि कोरोना संक्रमण पुष्टि भएको छ।

• Categories
• #सम -सामयिक