खोटेहाङ गाउपालिकाका २ दर्जन युवा कांग्रेसमा प्रबेश

यज्ञ कुमार राई

खोटाङ- खोटेहाङ गाउपालिकाका २ दर्जन बढी नेकपाका युवाहरु काँग्रेसमा प्रवेश गरेका छन ।

नेपाली काँग्रेस खोटेहाङ गाउपालिका वडा न. ९ लिच्कीराम्चे स्थित वडा सभाहलमा गरिएको कांग्रेसको भेटघाट तथा पार्टी प्रवेश कार्यक्रममा नेकपाका २ दर्जन बढी युवाहरु काँग्रेसमा प्रवेश गरेका हुन ।

उक्त कार्यक्रम वडा सभापति कर्ण राउतको सभापतित्वमा नेपाली काँग्रेस खोटाङका महासमिति सदस्य एवम् युवा नेता रवि प्रकाश राईको प्रमुख अतिथित्वमा भएको थियो ।

राईले नयाँ क्रियाशील सदस्य र नव प्रवेशी हरुलाई अवीर टीका लगाएर नेपाली काँग्रेसमा स्वागत गरेका छन ।

नेपाल कम्युनिस्ट पार्टी (नेकपा) सरकारले आफ्नो मनमर्जी ढ्ङ्गले काम गरेको केन्द्र देखि स्थानीय तह सम्म भ्रष्टाचार साथै अपराध जन्य गतिविधिहरु भैरहेको र जनताको हितको लागि कुनै पनि योजना हरु गर्न नसकेको स्थानीय युवा हरुले गुनासो गर्दै नेपाली काँग्रेस पार्टीमा प्रवेश गरेको नेपाली काँग्रेस वडा कार्यसमितिका सचिव प्रदिप राईले आगमनखबर लाई जानकारी दिनुभयो ।

उक्त कार्यक्रममा विशेष अतिथि जिल्ला सदस्य शरण कुमार राई, बसन्त राई, आमन्त्रित जिल्ला सदस्य चन्द्र थापा एदुनन्द घिमिरे, नेविसंघ खोटाङका वरिष्ठ जिल्ला उपअध्याक्ष नईन्द्र राई, सचिव राजदेश राई, तरुण दलका युवा नेता समीर राई, नेपाली काँग्रेस खोटेहाङ गाउपालिका सभापति प्रेम कुमार थापा, लगायत स्थानिय नेता तथा कार्यकर्ता हरुको बाकुलै उपस्थिति रहेको सुबास राईले बताए ।