एनआरएनए आईसीसी उपाध्यक्षमा मलेसियाबाट न्यौपानेले उम्मेदवारी दिने

आगमनखबर संवाददाता

मलेसिया । गैंर आवासीय नेपाली संघ अन्तर्राष्ट्रिय समन्वय परिषद (एनआरएनएको) ११ औं महाधिवेशनमा आईसीसी उपाध्यक्ष पदका लागि मलेसियाबाट खगेन्द्र न्यौपानेले उम्मेदवारी दिने भएका छन् ।

न्यौपाने गत जुलाई ३० मा सम्पन्न गैंर आवासीय नेपाली संघ राष्ट्रिय समन्वय परिषद मलेसियाको अधिवेशन पश्चात् सबैको सल्लाह सुझावले आफु आसन अक्टुबरमा हुन लागेको संघको ११ औं महाधिवेशनमा आईसीसीको उपाध्यक्षमा उम्मेदवारी दिने निर्णय गरेको बताएका छन् ।

मलेसियालाई कर्म थलो बनाएका न्यौपाने विगत लामो समयदेखि सामाजिक काम गर्दै एनआरएनए मलेसियाको उपाध्यक्ष, अध्यक्ष, आईसीसी सदस्य, र एसिया प्यासिफिक सह-संयोजक हुुदै हाल आईसीसी सचिवको जिम्मेवारीमा रहेका छन् ।

वर्तमान आईसीसी सचिव खगेन्द्र न्यौपानेले श्रमिकमैत्री र लगानीमैत्री एनआरएनए बनाउनका लागि आईसीसी उपाध्यक्षमा उम्मेदवारी दिने निर्णय गरेको र एनआरएनए अभियानमा निरन्तरता दिनका लागि आफु आईसीसीको उपाध्यक्ष पदमा पुगेर अझ धेरै काम गर्ने प्रतिवद्धता जायर गरेका छन् ।

उनले एनआरएनएका अग्रज तथा विभिन्न देशका एनआरएनए अभियन्ताहरुबाट आएको सल्लाहा सुझावका आधारमा आफूले संघको उपाध्यक्षमा उम्मेदवारी दिने निर्णय गरेको र छिट्टै एक सार्वजनिक कार्यक्रम गरेर आफ्नो प्रतिबद्धता सहित उम्मेदवारी घोषणा गर्ने जनाएका छन् ।