नेपाल आदिवासी जनजाति महासंघ मलेसियाले २९ औं विश्व आदिवासी दिवस मनाउदै

आगमनखबर संवाददाता

मलेसिया । नेपाल आदिवासी जनजाति महासंघ मलेसियाले २९ औं विश्व आदिवासी जनजाति दिवस अवसरमा अगस्ट १३ तारिख आइतबार शुभकामना आदन प्रदान कार्यक्रम गरि मनाउने भएको छ ।

नेपाल आदिवासी जनजाति महासंघ मलेसियाले पहिचान पुर्खयौंली भाषा संरक्षण गर्न परम्परागत ज्ञान सीप प्रबर्द्धन र अधिकार सुनिश्चिताका लागि जनजाति आन्दोलनको रुपमा विश्व आदिवासी दिवस मनाउने आयोजना गरेको हो ।

यस् दिवसलाइ संयुक्त राष्ट्रसंघले अगस्ट ९ तारिखलाई विश्व आदिवासी दिवसका रुपमा मनाउने घोषणा गरेपछि सन् १९९४ देखि हरेक हरेक वर्षको ९ अगस्टलाई अन्तर्राष्ट्रिय आदिवासी दिवसको रुपमा मनाउने गर्दछन् ।

दिवसको अवसरमा नेपालमा आदिवासी समूदायको हक अधिकारको क्षेत्रमा कार्यरत विभिन्न संघसंस्थाहरूले विभिन्न कार्यक्रम गरि विभिन्न जातीय समुदायहरूको झाँकी तथा र्‍याली प्रदर्शन एवं विविध सांस्कृतिक कार्यक्रमहरू प्रस्तुत गरि मनाउने गर्दछ ।

उक्त कार्यक्रमलाई मन्डला रेष्टुरेन्ट एभरेष्ट किचेन रेष्टुरेन्ट र द गोर्खाज रेष्टुरेन्टले प्रयोजक गर्ने भएका छन् ।

• Categories
• #देश–विदेश