गैंरआवासीय नेपाली संघ एनआरएनए मलेसियाको अध्यक्ष पदमामा ३ जनाको उम्मेदवारी दर्ता

आगमनखबर संवाददाता

मलेसिया । गैंरआवासीय नेपाली संघ राष्ट्रिय परिषद एनआरएनए मलेसियाको अध्यक्ष पदमा विनोद थापा, राकेश प्रसाद महतो र सन्तोष कार्कीले उम्मेदवारी दर्ता गरेका छन् ।

निर्वाचन समितिको संयोजक खगेन्द्र न्यौपानेको अध्यक्षतामा बसेको बैठकले बुधबार जुलाई १२ तारिख निर्वाचन समितिले सार्वजनिक गरेको सुचना अनुसार ३ जनाले २०२३-२०२५ को लागि आफ्नो उम्मेदवारी दिएका हुन् ।

थापा गैर आवासिय नेपाली संघ एनआरएनए मलेसियाको गत २०२१-२०२५ कार्यकालको अध्यक्षमा निर्विरोध निर्वाचित भएका थिए भने पुनः २०२३-२५ को नयाँ कार्यकालको लागि पनि उम्मेदवारी दिएका छन् ।

थापाले अघिल्लो २०२१-२३ को कार्यकालमा नेपालीको लागि नेपाली भन्ने मुलनाराको साथ नेपाली श्रमिक हरुको दुख सुखमा साथ सहयोग गर्ने हेतुले गैंर आवासीय नेपाली संघ एनआरएनएको आफ्नै कार्यलय खोलि  नेपाली राजदूतावास संग समन्वय गरी समस्यामा परेको बिरामी परेका अकालमा  मृत्यु भएका नेपाली श्रमिक हरुलाई ऊदार देखि मृत्यु भएको श्रमिकहरुको परिवारलाई सब जिम्मा लाउने काम देखि थुप्रै उदाहरणीय काम गरिसकेको छन् ।

अर्का प्रत्यासी उम्मेदवार राकेश महतो पनि विगत लामो समय देखि मलेसियामा सामाजिक काममा क्रियाशील रहि थुप्रै उदाहरणीय कामहरु गरिसक्नुभएको छ भने वहाँलाई असल व्यावसायिकको रुपमा पनि चिनीन्छ ।

त्यसैगरी बरिस्ठ उपाध्यक्षमा ईन्द्र नारायण लिम्बू र रन्जित कुमार क्षेत्रीले उम्मेदवारी दिएकाछन, उपाध्यक्षमा अरुण गिरी, दिल कुमार केरुङ र हेम सपकोटाले आफ्नो उम्मेदवारी दिएका  छन् ।

त्यस्तै महिला उपाध्यक्षमा लिला मगर,र युवा उपाध्यक्षमा नारायण अधिकारी, महासचिवमा कृष्ण प्रसाद नेपाल, बिमल कुमार राना, टेक बहादुर अधिकारीले उम्मेदवारी दिएका छन्। सचिवमा श्याम बहादुर श्रेष्ठ, बिशु प्रसाद बराल, कोषाध्यक्षमा बाल धोज लिम्बू, र युवा संयोजकमा राजु तामाङ, महिला संयोजकमा इन्दु बस्नेतले उमेदवारी दिएका छन् ।

• Categories
• #देश–विदेश