तनहुँ-१ मा कांग्रेस उम्मेदवार गोविन्द भट्टराई

आगमनखबर संवाददाता

काठमाडौँ। तनहुँ-१ मा हुने प्रतिनिधिसभा सदस्यको उपनिर्वाचनमा नेपाल विद्यार्थी संघका पूर्वअध्यक्ष गोविन्द भट्टराईलाई कांग्रेसले उम्मेदवार बनाउने भएको छ । तनहुँ-१ मा यसअघि मंसिर ४ गते सम्पन्न निर्वाचनमा विजयी उम्मेदवार रामचन्द्र पौडेल राष्ट्रपतिमा निर्वाचित भएपछि उक्त क्षेत्र रिक्त भएको छ ।

बिहीबार केन्द्रीय कार्यालय सानेपामा बसेको केन्द्रीय कार्यसम्पादन समितिको बैठकले तनहुँ-१ मा भट्टराईलाई उम्मेदवार बनाउने निर्णय गरेको हो । त्यस्तै कांग्रेसले चितवन-२ मा जितनारायण श्रेष्ठ र बारा-२ मा जनता समाजवादी पार्टीका उम्मेदवारलाई सघाउने निर्णय भएको सहमहामन्त्री बद्री पाण्डेले जानकारी दिए ।

• Categories
• #मुख्य समाचार
• #राजनीति