सरकारको साझा न्यूनतम कार्यक्रम भोली टुंगिने : रमेश लेखक

काठमाडौँ। सरकारको साझा न्यूनतम कार्यक्रमले अन्तिम रुप बिहीबारसम्ममा पाउने कांग्रेसका प्रमुख सचेतक रमेश लेखकले जानकारी दिएका छन्।

संघीय संसद् भवन नयाँ बानेश्वरमा बुधबार सञ्चारकर्मीहरुसँग कुराकानी गर्दै उनले सरकारको साझा न्यूनतम कार्यक्रमले बिहीबार (भोलि)सम्ममा अन्तिम रुप प्राप्त गर्ने बताएका हुन् । उनले कार्यक्रमको मस्यौदा सत्तारुढ गठबन्धनका नेताहरुसमक्ष पुगेको र आवश्यक संशोधनका लागि आज साँझ ५ बजेसम्मका लागि समय दिइएको जानकारी दिएका छन्। यसका साथै उनले नयाँ मन्त्रीहरुको टुंगो लगाएर शपथ पनि चाँडै हुने बताए ।