विद्यालय समयमा नियमित पठनपाठन गराउन शिक्षकहरुलाई निर्देशन

आगमनखबर संवाददाता

काठमाडौं । शिक्षा , विज्ञान तथा प्रविधि मन्त्रालय शिक्षा तथा मानव स्रोत विकास केन्द्र शैक्षिक योजना तथा विकास महाशाखा शिक्षक व्यवस्थापन समन्वय शाखा सानोठिमी भक्तपुरले विद्यालय समयमा नियमित पठनपाठन गर्ने निर्देशन दिएको छ । 

निर्देशक बसन्त प्रसाद कोइरालाद्वारा जारि बिज्ञप्तमा सामुदायिक विद्यालयका शिक्षकहरु विद्यालयको समयमा लोक सेवा आयोग , शिक्षक सेवा आयोग लगायतका तयारी कक्षा कोचिङ कक्षामा पढ्ने , पढाउने तथा सो संग सम्बन्धित अनलाइन कक्षामा सामेल हुने गरेको गुनासो प्राप्त भएको सन्दर्भमा सो कार्य शिक्षा नियमावली , २०५ ९ को नियम १३३ को उपनियम ( १ ) को प्रावधान विपरित भइ विभागीय सजाय समेत आकर्षित हुने भएकोले विद्यालय समयमा उक्त कार्य नगर्न , नगराउनु हुन स्थानीय तह मार्फत सम्बन्धित सबै शिक्षकहरुलाई निर्देशन दिन र इकाइ मार्फत नियमित अनुगमनको व्यवस्था समेत मिलाउनु हुन निर्देशानुसार अनुरोध गरेको छ । 

स्थानीय तह सबै सम्बन्धित शिक्षकलाई निर्देशन दिई कार्यान्वयनमा सहजीकरण गर्ने व्यवस्था मिलाउन निर्देशानुसार अनुरोध गरिएको छ । 

• Categories
• #शिक्षा