गुरुङ सहित ४ जना निर्वाचनबाट सभापति ४ जना सर्वसम्मत

केदार बस्नेत

सोलुखुम्बु।नेपाली कांग्रेस सोलुखुम्बुको पालिका अधिवेशन सम्पन्न भएको छ।८ स्थानीय तह रहेको जिल्लाको ४ स्थानीय तहमा सर्वसम्मत नेतृत्व चयन भएको छ भने ४ स्थानीय तहमा निर्वाचन मार्फत नेतृत्व चयन भएको हो।

थुलुङ दुधकोशी गाउँपालिकाको सभापतिमा भक्त गुरुङले अर्का बल बहादुर बस्नेतलाई ५४ मतले पराजित गर्नुभएको छ।लिखुपिकेमा सुरज बस्नेतले १६ मतले मिना कार्कीलाई पराजित गर्नुभएको छ।यस्तै नेचासल्यान गाउँपालिकामा निर कुमार शर्मा कटेलले अर्का निर कुमार शर्मालाई ३० मतले पराजित गर्नुभएको छ।सोलु दुधकुण्ड नगरपालिकामा भने निर्वाचनको नतिजा आउन बाकी रहेकोे नेपाली कांग्रेस सोलुखुम्बुले जनाएको छ।

यस्तै महाकुलुङ गाउँपालिकामा बल कुमार कुलुङ सोताङमा कृष्ण कार्की खुम्बु पासाङल्हामुमा च्युङबा शेर्पा र माप्य दुधकोशी गाउँपालिकामा नविन कार्की सर्वसम्मत सभापतिमा निर्विरोध चयन भएका हुन।

जिल्लामा सोहार्द तरिकाले अधिवेशन सप्पन्न भएको जिल्ला सभापति विनोद कुमार बस्नेतले भन्नु भएको छ।आगमन खबरसँग कुराकानी गर्दै पालिकामा खटिनु भएका निर्वाचन अधिकृत जिल्लाका सबै नेता तथा क्षेत्रीय प्रतिनिधिरुलाई धन्यवाद दिनुभएको छ।

• Categories
• #राजनीति