आगलागी पीडितलाई राहत लिएर ताप्लेजुङ पुगे मुख्यमन्त्री राई

यज्ञ कुमार राई

ताप्लेजुङ्ग । ताप्लेजुङ्गको मेरिङदेन–३ मा फागुन १८ गते दोभानमा भएको आगलागी घटनालाई लिएर प्रदेश नं. १ का मुख्यमन्त्री शेरधन राईले दु:ख व्यक्त गर्नुभएको छ।

राई आज आगलागी बस्तीमा पुगेर पिडित परिवारहरुलाई तत्काल आवश्यक पर्ने खाद्यान्न लगायतका राहत सामाग्री प्रदेश सरकारको तर्फबाट हस्तान्तरण गर्नुभएको छ ।

पिडित परिवारलाई प्रदेश सरकारले प्रति परिवार ५० हजार नगद र डेराभाडामा बस्दै आउनु भएका परिवारलाई प्रति परिवार ३० हजार नगद उपलब्ध गराउने भएक छ । यस ठाउँको पुनः निर्माणमा प्रदेश सरकारले आफ्नो तर्फबाट कुनै कसर बाँकी नराखी संघीय सरकारसँगको समन्वयमा थप सहयोगका लागि पहल गर्ने बताउनु भएको छ ।

राईले सामाजिक सन्जाल फेसबुकमा आगलागीमा परी घाइते हुनुभएको मेरिङदेन–३ दोभानका भोला पौडेललाई थप उपचारका लागि काठमाडौं पठाइएको र उहाँको शिघ्र स्वास्थ्य लाभको कामना गर्नुभएको छ ।

• Categories
• #अर्थतन्त्र
• #दुर्घटना
• #मुख्य समाचार