कामचलाउ सरकारले बर्खास्त र नियुक्त गर्न पाउँदैन :कांग्रेस

आगमनखबर संवाददाता

काठमाडौं  ।नेपाली कांग्रेसले सरकारको सिफारिसमा २ नं . प्रदेश प्रमुख तिलक परियारलाई बर्खास्त र राजेश झालाई नियुक्त गरिएको घटनाक्रमको विरोध गरेको छ ।

शुक्रवार एक विज्ञप्ति जारी गर्दै कांग्रेस प्रवक्ता एबम युवानेता  विश्वप्रकाश शर्माले कामचलाउ सरकारको सिफारिसमा २ नं . प्रदेश प्रमुखको आज गरिएको बर्खास्ती र नयाँ नियुक्तिको विरोध र भत्सर्ना गरेको हो  । 

अघिल्लो सरकारको पालामा प्रक्रिया बमोजिम गरिएको नियुक्तिलाई गत बर्ष बदर गरेर सरकारले स्वेच्छाचारी ढंगले नियुक्ति गरेको थियो । 

आज फेरि त्यही प्रवृत्ति दोहोऱ्याएर सरकारले एकातर्फ प्रदेश प्रमुखको गरिमा थप घटाउँदै जाने कर्म गरेको छ भने निर्वाचन घोषणा भएको छ भनेर दलको विवाद निरुपण नगर्न निर्वाचन आयोगलाई आन्तरिक दबाब दिने सरकार बर्खास्त र नियुक्ति तर्फ लाग्नु नैतिक आचारको दृष्टिले समेत अत्यन्तै गलत र आपत्तिजनक भएको जारी  विज्ञप्तिमा उल्लेख  गरिएको छ । 

संसद विघटनको असंवैधानिक कदम पश्चात् काम चलाउ स्थितिमा पुगेको सरकारले यसरी बर्खास्त , नियुक्ति आदि काम गर्न विल्कुलै मिल्दैन र पाइन्न । अतः यसप्रति कडा विरोध जनाउँदै नेपाली कांग्रेस स्वेच्छाचारी ढंगले गर्ने यस्ता कार्य अविलम्ब रोक्न सरकारलाई चेतावनी दिन चाहन्छ विज्ञप्तिमा भनिएको छ ।

• Categories
• #राजनीति