नेकपाको प्रचण्ड-माधव पक्षले भन्यो , परिस्थिति जस्तोसुकै पनि आउन सक्छ तयारि अवस्थामा बस्नु

आगमनखबर संवाददाता

७ फागुन, काठमाडौं । निर्वाचन आयोग र अदालतबाट जे पनि फैसला आउन सक्ने भन्दै नेकपाको  (प्रचण्ड–माधव) समूहले आफ्ना केन्द्रीय सदस्यलाई जुनसुकै बेला जस्तोसुकै निर्णय लिनुपर्ने भन्दै तयारी अवस्थामा रहन निर्देशन दिएको छ ।

पार्टी कार्यालय पेरिसडाडाँमा आज शुक्रवार बसेको प्रचण्ड पक्षको बैठकले आफ्ना कार्यकर्ताहरुलाई जुनसुकै परिस्थिति आए पनि सामना गर्नको लागि तयारि अवस्थामा रहनको लागि निर्देशन दिएका हुन् ।

बैठक झण्डै दुई घण्टा चलेको शुक्रवारको बैठकमा अध्यक्ष प्रचण्डले अबको दिनमा सहज या असहज जुनसुकै परिस्थिति पनि आउन सकेन भएको हुनाले आफ्ना कार्यकर्ताहरुलाई जुनसुकै अवस्थामा रहनको लागि निर्देशन दिएको एक नेताले जानकारी दिए ।आजको बैठकमा नेकपाको प्रचण्ड- माधव पक्षले नेपालले समसामयिक राजनीतिक अवस्थाबारे जानकारी गराएका थिए ।

आजको बैठकमा आएका केन्द्रीय सदस्यहरूले पार्टीको परिचयपत्र र नागरिकतासमेत बोकेर आएका थिए ।

• Categories
• #राजनीति