तातोपानी नाका आइतबारदेखि सञ्चालनमा

आगमनखबर संवाददाता

काठमाडाैं-तातोपानी नाका आइतबारदेखि सञ्चालनमा आएको छ । नेपाली अधिकारी र चिनियाँ अधिकारीबीच यही असोज १३ गते तातोपानी नाका पुनःसञ्चालन गर्ने सहमति भएसँगै आजदेखि नाका सञ्चालनमा आएको हो ।

तातोपानी भन्सार कार्यालयका प्रमुख लालबहादुर खत्रीले चिनियाँ पक्षले सामान मितेरी पुलमा अनलोड गरेको जानकारी दिए । उनले चिनियाँ सामग्री आउन शुरु गरेको भन्दै आज ११ कन्टेनर कपडा र कच्चा पदार्थ आएको बताए । भन्सार जाँचपासपछि केही दिनमा ती सामग्री काठमाडौँ पठाइनेछ ।

कोरोना भाइरसको सङ्क्रमण नहोस् भनेर तातोपानी भन्सार कार्यालयले २९ जनाको दुई टोलीलाई सामान लोड, अनलोड गर्न तयारी अवस्थामा राखेको छ ।

• Categories
• #देश–विदेश