गृह प्रशासनलाई नेपाली कांग्रेसको कडा चेतावनी

आगमनखबर संवाददाता

काठमाडौं असोज ५ गते । नेपाली कांग्रेस गुल्मी जिल्लामा स्थानीय एक मुद्दामा केन्द्रीत रहेर नेपाली कांग्रेस जिल्ला कार्यसमितिले जिल्ला प्रशासन कार्यालय समक्ष ज्ञापन पत्र बुझाउने कार्यक्रममा जिल्ला सभापति भुवन श्रेष्ठ माथि प्रहरीले धक्कामुक्का गर्दै दुर्व्यवहार गरेको प्रती कांग्रेसले आपत्ति जनाएको छ ।

कोरोनाको प्रतिकूलता दृष्टिगत गरेर भौतिक दुरी कायम गर्दै निकालिएको याली पछि जिल्ला प्रशासन कार्यालय पुगेका पार्टीको जिल्ला नेतृत्व र साथीहरुलाई प्रशासन कार्यालयमा प्रवेश गर्नु पूर्व रोकिएको अवस्थाम्मा ज्ञापन पत्र बुझाउन जान दिन आग्रह गरिरहंदा प्रहरीद्वारा उल्टै बल प्रयोग गरेको थियो ।

पार्टीका जिल्ला सभापति भन्ने जान्दाजान्दै पनि सभापति भुवन श्रेष्ठ माथि पनि प्रहरीले धक्कामुक्का गर्दै दुर्व्यवहार गरियो । घटनामा पार्टी सभापति श्रेष्ठ एवं प्रदेश क्षेत्रीय सभापति पूर्ण के सी , लगायतका साथीहरु घाइते भएका थिए । शान्तिपूर्ण प्रदर्शन गर्न पाउने , आफ्नो विमती , विरोध र माग प्रस्तुत गर्न पाउने संविधानप्रदत अधिकार प्रयोग गर्दा यो प्रकारको व्यवहार गरिएको विषयलाई नेपाली कांग्रेसले गम्भीरतापूर्वक लिएको छ ।

स्थानीय प्रशासनको दुर्व्यवहारको घटनाप्रति प्रधानमन्त्री समेतको ध्यानाकर्षण गराउँदै नेपाली कांग्रेसले तत्काल गृहमन्त्रीबाट सार्वजनिक स्पष्टीकरण माग समेत गरेको छ ।

गुल्मी घटनाको यथार्थ छानविन गरेर घटनाका दोषीलाई कावाही गर्न नेपाली काग्रेस माग गर्दछ । साथै , यस्ता प्रकारका घटना दोहोयाएर प्रतिपक्षलाई जिस्काउने कार्य नगर्न गृह प्रशासनलाई नेपाली कांग्रेस कडा चेतावनी दिन चाहन्छ ,बिगप्तिमा भनिएको छ ।