नेपालको रेल आज जनकपुर स्टेसनमा आईपुग्ने, मन्त्रालयको टोलीद्वारा स्वागत गरिने

आगमनखबर संवाददाता

काठमाडौं आश्विन २ गते । नेपालको राष्ट्रिय झण्डाको रंगमा तयार भएको रेल आज मध्याह्न १२ बजेसम्ममा जनकपुर स्टेसनमा आईपुग्ने भएको छ । मन्त्रालयको टोली, रेल विभागको टोलीले स्वागत गर्ने कार्यक्रम रहेको छ ।

प्रदेश २ को अस्थायी राजधानी जनकपुर आइपुग्ने रेल बिहीबार साँझ भारतको जयनगर आइपुगेको थियो ।

जनकपुर–जयनगर चल्ने रेल आज मध्याह्न १२ बजेसम्ममा जनकपुरधाम स्टेसनमा आइपुग्ने रेल्वे कम्पनी लिमिटेडका महाप्रबन्धक गुरु भट्टराईले जानकारी दिए ।

नेपालको राष्ट्रिय झण्डाको रंगमा तयार भएको रेल भारतको पटनास्थित हाजीपुर स्टेसनबाट जनकपुरधाम हिडेको रेल जयनगर स्टेसनमा छ । 

आज मध्याह्न १२ बजेसम्ममा आइपुग्ने रेललाई महाप्रबन्धक भट्टराई, भौतिक पूर्वाधार तथा यातायात मन्त्रालयको टोली, रेल विभागको टोलीले स्वागत गर्नेछ । रेल परीक्षणका क्रममा जनकपुर आइपुग्न लागेको हो ।

रेल जनकपुर आउने भएसँगै त्यहाका स्थानीयहरु उत्साहित भएका छन् ।

• Categories
• #देश–विदेश
• #बजारमा नयाँ