बालसिद्ध मा.वि केवरेमा सूचना प्रविधि ल्याब स्थापना:-

आगमनखबर संवाददाता

स्याङ्जा जिल्लाको वालिङ नपा- ७ स्थित श्री बालसिद्ध मा.वि केवरे भञ्ज्याङलाई  नेपाल दुरसन्चार प्राधिकरणबाट सूचना प्रविधि ल्याब स्थापनाका लागि २४ सेट कम्प्युटर ,१थान प्रोजेक्टर सहित ल्याब स्थापनाका लागि आवश्यक सामग्रीहरु  हस्तान्तरण गरिएको छ।

कक्षा नर्सरी देखि १२ सम्म अंग्रेजी र नेपाली दुवै माध्यममा अध्यापन हुने उक्त विद्यालयमा हाल ५०० जना विद्यार्थी छ्न्।२०५६ सालदेखि कक्षा ११/१२ समेत पूर्ण नि:शुल्क रूपमा  संचालित छ ।

शिक्षामा ब्यावसायीकरण भयो भन्ने जनगुनासो बढ्दै गएको वर्तमान अवस्थामा विद्यालयको यसप्रकारको प्रयास सबैका निम्ति अनुकरणीय बनेको छ।त्यतिमात्र नभै त्यसै विद्यालयको जग्गा भाडामा लिई संचालित बालसिद्ध क्याम्पसमा  त बिएड तह समेत पूर्ण निशुल्करूपमा संचालित छ।स्नातक तह समेत  नि:शुल्क भएको सम्भवत यो नेपालकै एकमात्र क्याम्पस हुनुपर्छ ।

विद्यालयलाई आज हस्तान्तरण गरिएका कम्प्युटर र अन्य सामग्री बुझ्दै प्रधानाध्यापक ताराप्रसाद रेग्मीले उक्त ICT ल्याब स्थापना पछि विद्यालयमा कम्प्युटर शिक्षाको थप सुधारमा महत्त्वपूर्ण  सहयोग पुग्ने विचार व्यक्त गर्नु भयो ।प्राधिकरणबाट ल्याब स्थापनाका लागि कम्प्युटर लगायतका सामग्री उपलब्ध गराइएको भएतापनि ल्याब संचालनका लागि आवश्यक जनशक्ति र  कम्प्युटर टेबुल,कुर्सी ,कार्पेट ,विद्युत् वायरिङ सामग्री भने प्राधिकरणले तोकेको ढाँचामा विद्यालयले नै ब्यवस्था गर्नु परेको कुरा  प्र अ रेग्मीले बताए ।

• Categories
• #शिक्षा