महिनौ पछी ४० जनाको शव नेपाल ल्याइयो :-

आगमनखबर संवाददाता

विदेशमा निधन भएका नेपालीहरुको शव नेपाल ल्याउने क्रम सुरु भएको छ । लकडाउनको अवधिमा विदेशमा बिभिन्न कारणले मृत्यु भएका मध्ये ४० जना नेपालीको शव नेपाल ल्याइएको छ ।

विदेशमा समस्यामा परेका नेपालीको स्वदेश फिर्तीका लागि चार्टर्ड उडान हुन थालेपछि शुक्रबारसम्ममा ती शवहरु नेपाल ल्याइएको हो । अहिलेसम्म कतारबाट २० , मलेसियाबाट ११ , कुवेतबाट ६ , ओमान , यूएई र साउदीबाट एक एक जनाको शव नेपाल ल्याइएको छ । 

मृत्यु भएका ३१८ जनामा ११४ जना मृतकका परिवारले गन्तव्य देशमै अन्त्येष्टिका लागि अनुमति दिएका थिय  । यस बाहेक अझै १६४ शवको व्यवस्थापन बाँकी रहेको छ । ती शव कोरोनाको कारण अन्तर्राष्ट्रिय उडान बन्द हुँदा महिनौंदेखि विदेशमा रोकिएको थियो । 

– विदेशमा अलपत्र ३ हजार १ सय ८ जनाको उद्दार

– विदेशमा १ सय ३० र नेपालमा २२ जनाको निधन

– ४० वटा शव नेपाल लगियो

हालसम्म विदेशमा रहेका १७ हजार ७ सय ९२ जना नेपालीहरु कोरोना भाइरसबाट संक्रमिक भएका छन् । नेपालको ८ हजार ६ सय ५ सहित विश्वभरका ३५ देशमा २६ हजार ४ सय २ जना नेपालीमा कोरोना भाइरसको संक्रमण पुष्टी भएको छ ।

• Categories
• #देश–विदेश
• #स्वास्थ