भारतमा कोरोना सन्क्रमण बाट १ नेपालीको मृत्‍यु- जन संपर्क समितिले गर्‍यो दुतबासले गर्नु पर्ने काम :

आगमनखबर संवाददाता

भारतको दिल्लीमा कोरोना संक्रमणका कारण ज्यान गुमाएका एक नेपालीको अन्त्येष्टी गरिएको छ । परिवारका सदस्यहरु नेपालमा भएकाले कोरोना भाईरसका कारण मृत्‍यु भएको शव बुझ्ने आफन्त कोही नभएपछि नेपाली जनसम्पर्क समिति भारतका अध्यक्ष बालकृष्ण पाण्डेले शवलाई जिम्मा लिएपछि शबको  अन्त्येष्टी गरिएको हो ।

अध्यक्ष बालकृष्ण पाण्डेका अनुसार शवको अन्तिम संस्कार गर्न नेपालमा रहेका पारिवारिक सदस्यले आफुलाई पत्राचार गरे पनि कोरोना संक्रमणका कारण  मृत्‍यु   भएकाले र परिवारिक सदस्य नेपालमा भएकाले शव लिन निकै समस्या भएको थियो । शव लिने प्रक्रियाक लागि दिल्लीस्थित नेपाली राजदूतावासलाई बारम्बार गुहार माग्दा दुतबास बाट कुनै पहल नभए पछी भारतको गृह मन्त्रालयको सहयोगमा शव बुझी  अन्तिम संस्कार गरिएको पाण्डेले बताए  ।

दिल्लीको पहाडगंज क्षेत्रमा कुरियर सेवा प्रदान गर्दै आएका झापा सतासीधामका ज्ञान बहादुर बस्नेतको ७  जुनमा निधन भएको थियो मृत्युपछि गरिएको परीक्षणमा उनलाई कोरोना पुष्टी भएको थियो ।

• Categories
• #देश–विदेश
• #स्वास्थ